بين قلوبكم وعقولكم اراني الدحيمي مكاني بينكم فوجدت الحب ومساحه للتواجد بين قلوبكم وحروفكم النابضه آمل أن أحصل على أكبر عدد من الأخوه والأحبه قبل الشعر
هو موقف بأحد السجون ( لـ أم )تقوم بزيارة أبنها وماأكد ذلك الشبه الشديد بينهما
عندما كانت تجمع أصابعها وهي تودعه وتضع عليها قبله تفوح حنان وترسلها له من ورى القضبان
وهذا أكثر ماكان مؤثر
لومالهـا.. إلا الطـعـون وتعبـهـا=يكفي..عتبهـا علـى عتبـة سواقـه
تقـرا الحزن..والهـم ..يامـا كتبهـا=نــزف الشعور/وقبسته/وأحتـراقـه
جته..زيارة شـوق ترخـص ذهبهـا=جت والحنان أشعل شمـوع العلاقـه
(تجمـع أصابعهـا غـلا وتغصبهـا)=وترسل له (الحبات)و1,000,000باقه
جته..حزينـه وقبـل تمشـي شربهـا=دمعه وراحـت معهـا ميّـة أعاقـه
بوجههـا ..للوقت..واللـي غلبـهـا=زحمة تجاعيد الزمـن ..مـن فراقـه
تملـى مـن أقـدار الليالـي قربّهـا=وهـي ضاميه..علـى لقاه/وعنـاقـه
تجمع طرف جرزايـة الفقـر الأبهـى=(من كل صبح أشراقته هـي غراقـه)
تضحك..لياسولف لهـا عـن عتبهـا=وتبكـي.. لياسولـف لهـا بأشتياقـه
الهامه..اللـي بالشمـوخ تعصبـهـا=غصبـاً عليها..أنحنـت مـن مذاقـه
العلقـم اللـي مـن ظناهـا سلبهـا=ولابـقـى بها.لـلأحـزان طـاقــه
لومالـهـا..إلا الـدمـوع وتعبـهـا=يكفي..حضور أغلى وأعظـم علاقـه
