[رياض الاحمري]

ترفق يا شقى حالي على قلبٍ سمع ولتــــاع
سمع صوتـك ولبا لك ولا أدري ليش لبــا لك

ترفق وأرفق بحـال المعنـى ولا تفـز بسـاع
من أولها تجي وتروح يـا خوفـي بعـد ذلـك

أمانه لا تصـد وخلنـي لـو تنتبـه الأسمـاع
أسمي ما وهبك الله جمـالٍ حظـه أولـى لـك

عسى شرد القوافي لا بـدت يـا قمـة الإبـداع
تفيض من الفرايـد لـك رذاذ بحسنـك الهالـك

عيونك حرمة العاشق ورمشك طعنتيـن أوجـاع
ونظراتك جيـوش الفـرس لا لالـي ولا لالـك

وأشيد بخصرك اللي لا مشيت يـروع المرتـاع
تقول أن الميول أصلاً توصـى فيـك و وصالـك

أنا شفتك ولا شفتـك بعيـن المغتنـي لا جـاع
ولد بنشـوة المحـروم فـي حلـك وترحالـك

تهاوى من على رجم القصايد وحتضنـه القـاع
حظيظٍ مـا يكـود إلا علـى غيـرك ولا نالـك

تباطيتـك ولكنـي دريـت أن البطـاء خــداع
مثل موج البحر يضحك وغـدره مـا يتراوالـك

شربت من العطش ريق الفجوج وهمني المرباع
رويت ولا عطش يروي وأشوف المزن بوصالك

لفحني هبـةٍ لا ذعذعـت مـا كادهـا ذعـذاع
وهن عظم الملد و هشهشـه تبريـرك إهمالـك

لك الله ما جمرني غير من صوب على( الملتاع )
وغيره ما سهر جفني ولو موتـه علـى جالـك

لو إنها فارقت حسن العذارى من نظرها ضـاع
حرام إنـي لعلمهـا وأقـول إللـي بـرا حالـك

تعد الناس من دونـك متـاع ولعبـة استمتـاع
وأنا من عادتي ما أطرد سرابٍ وش على بالـك

أنزل هامتي لجلك وأنا ضاري علـى المطـلاع
على قول المثـل يـا هيـه فـال الله ولا فالـك

فمان الله يا غـص الحناجـر والسبـاع اجيـاع
أببقى لكـن لغيـرك ولا بـه حـد يبقـى لـك