[ناديه المطيري]

دَوَّرْت مابيــن جِدْرانـي وِبيبانــي !!
ضاعَتْ كُفوف الأَماني تِحْتري درْفـَـة
أَحْيانَ ادَوِّرْ مَلامِـحْ ( وَجْه ) وَالْقانـي
وَاحْيان اتوه بْمَلامِـحْ ( وَجْه ) ماعَرْفَه!
حاوَلْتَ الاقـي مَسافـاتي / وِعِنْـواني!!
في رِحْلِتِي | وْبوصَلَةْ هالرّوح مِنْحَرْفَة !!
حاوَلْـتَ اشَتِّتْ وَابَعْثِــرْ في عُمُرْ فـاني
ثُمْ اجْمَعَــهْ واتِشَتَّتْ فـي فنـا حَـرْفَه !!
أَشْعَلْت انا في غِيابَهْ ( عِذْر ) وَابْكاني
وَازْريت ابَـرِّرْ قِسـاوَةْ قَلْبَـه وْظَـرْفَه !!
ليه المُواجِعْ تِصِبّ السَّهْر لَاجْفاني ؟!!
مايَكْفي الشّـوق يَثْمَـلْ بَه وْيِحْتَرْفَهْ !!
سَمَّرْت هذا (الغِيـاب) بْلوحَـةْ احْـزاني
وعَلَّقْتَـها فـي جِـدار الّـروح وَالْغـرْفَة
مابين جَرْحـي / وِتَنْهيدي / وِحِرْمـاني
دَمْـعٍ تَـرَدَّدْ مـَ بيـن مْكابَـر / وْذَرْفَـه !
بحـاوِل ابْكــي إليـن تْصيـح جِـدْراني
وِانْ ماذَرَفْتَــهْ بَكابِـرْ وَافْتَـحَ الشّــرْفَة
وانـادي اللّيـل يِتْكَـسَّرْ عَلـى اغْصانـي
وَاتْمَرْجَــح النّـور طِفْلَـة عَـذْبِةٍ تَـرْفَة
وِانْ ماقِطَعْـت المَسـافَة مِنْ عُمُـرْ ثاني
راحَ انْـزِوي لين الاقـي لِلْعُمُـرْ صِـرْفَه
يِمْكِـنْ ( بُكايـا ) يِعيـد وْجيـه خِـلّاني !
وِالاّ أَتــوه بْمَلامِـحْ وَجْـه ماعَـرْفَـه !!!

.

.

وضوح عدد ( فبراير)2010