[ناديه المطيري]

مَلّيت عِطْـر ثْيابي
............... لَنَّهْ يِشابِهْ عِطْرِكْ
قارورِتَهْ تِزْها بي
........وانا زِهيت بْـ [ غَدْرِكْ ]
كِنْت انْتِثِرْ وَاتْعابي
..........كان الْفَضاء بْـ صَدْرِكْ
وَارْمي عَليك عْتابي
.......تَهْمِسْ بـِ إِذْني [ صَبْرِكْ]
أَشْرَعْت لَكْ أَبْوابي
......سَكَّرْتُهُمْ .. وِشْ عِذْرِكْ ؟!
كِنْت ارْسِمِكْ بـِ كْتابي
..........شِعْر وْأَماني .. وَاثْرِكْ
تَكْتِبْ قِصيد غْيابي
...............ليتي كِشَفْتَهْ أَمْرِكْ
ياليت صِحْت بْـ [ مابي ]
............يومٍ وميت بْـ سِحْرِكْ
مير الْبلا بَـ اصْحابي
...............طِفْلَة وَانا ما أَدْرِكْ
إِنِّ الْهَوى أَوْدى بي
..............حَتّى وِقَعْت بْأَسْرِكْ
تَبْغى تُشوف الْعابي؟!
...........جَرْح وْدُموع وْهَجْرِكْ
أَرْجوحِتي أَوْلى بي
...........مِنْ لِعْبِتِكْ / مِنْ قَهْرِكْ

( مقامات ) فهد دوحان ( جريدة الصباح)