|
بصمات ناعمه (الجزء الأول)
ربما هي محاولة لرش العطر في مسامات هذا المنتدى
اعلم انني ربما لااحقق رغباتكم
ولكن هي اختيارات تعبر عن ذائقتي التي ربما لاترتقي الى تطلعاتكم
ولكن فقط اردت ان اضع مساحة لابيات الانثى الابداعية
فامنحوا هذه المحاولة رحابة قلوبكم
فهل شفتوا جسد ميت رفض يستقبله قبره
..........أنا هذي معاناتي وأظن اللي مضى يكفي
أنا اللي كنت بالأول عنيده قاسيه حره
..........وبديت اضعف وأنا اكره مجرد ضعفي لضعفي
(صدى الحرمان)
لو الورق والحبر والدمع بي جف
..........لاسطرك بالدم في راحتيني
ياشاعري اكتب قصيدك على الدف
..........وانثر قوافيها على أهداب عيني
(قسمه العمراني)
قد لي سنه والوجع ثوبه على قدي
..........بشق جيب الوجع واصبر على الكيه
ياكود طفل الوفا يستر على سدي
..........واقول :ولى زمانك لعنبو بيّه
(الرأسية)
أبد مااحملك ذنبي أنا اللي كنت مشدوده
..........أنا استاهل أنا استاهل أنا مليون غلطانه
أنا بوعدك من قلبي وعد لعيونك السودا
..........اعيش العمر كل العمر مجروحه وندمانه
(هميل)
الخجل شوفه تلاشى رغم انه من صفاتي
.........لوتبي قلبي هلابك انكتب اسمك عليه
لوتبي فكري حلالك اشعله حتى مماتي
..........لك أنا كلي وظلي وش بعد اكثر تبيه
(رموز)
تعبت اجادل ايامي ولاجت للفرح سيره
........تعال وضمني لصدرك أبي نفسي.. ابـ اتجرد
تعال اوجد بي شي ماعرفنا افـ يوم تفسيره
........قريب من القهر لاجيت اقول: احب واتردد
(ابتسام)
لي خافق عن كل عيب متسامي
..........سيفه على كل الخطايا يسله
ان طعت لي شور ترى الحل سامي
..........خلك صديق وطاري الحب خله
(منيره القحطاني)
لاتظن أني ابسمح شفت قلبك بان شره
..........مااحقق له مراده لاولاتملك حياتي
لوتصنعت الشهامة قلبي لايمكن تغره
..........ابتعد عني نسيتك صرت اسوأ ذكرياتي
(عاشقة الحزن)
شريت لي ثوب على شأن لقياك
..........والثوب راحت موضته مالبسته
وشريت عطر مازهاني بلياك
..........اربع سنين بعلبته مالمسته
(عابرة سبيل)
موقع مجنون الشعر ولهان-1
|