"الدال دامي ما مسكت الذوايــب
----------------------------- لـوقيـل طيب قـلت ما نيب طايب
دنـّوا أستاد القبرأدنوا النصايب
----------------------------- ودنـّو دواة الحبر نكتب سجـلات
سجلات أريد أكتب بها لي وصيّه
--------------------------- عمري قضى يا وجد أهيّـلي عليّه
قولو لصافي اللون ياقف عليـــّه
---------------------------- أغـديه يرجع وايتحّسف بما فـات "
"الزاء زماني شفت منه الهوايـل
------------------------------ لاعاد حظي فـي الغنادير مـايل
الزين لـــو نترك قصير ٍ وطايل
----------------------------- لاشك وين العقل هيهات هيهات
هيهات لوفي العـقـل يا ديـب لبّه
--------------------------------- ما كان يتبع واحد ما يحبـه
ليصار قـولي لــه خـريـطٍ بدبـّـه
-------------------------- وش لك بشوفه يالعيون المشقـات "
"الشين شاب الرأس ياعذب الأ نياب
------------------------------ واللي بطاري توبة ٍكان قدتاب
لي حاجةٍ يا زين بـس إفـتـح الباب
----------------------------- يرحمني اللي عالـم ٍ بالخـفـيّات
يرحمني إني فيك يازين مفتـون
--------------------------- من حبك أسهر والخلايق ينامــون
الهيتني عن مذهـب اللي يصلون
------------------------------ ما عاد أميّـز لو قـرآن التحيات "
"العين عـمـّن ينقـل الهـرج حذرا ك
------------------------------- تراك كـنـك ناقـل ٍداك بــرداك
وإلى سمع له هرجة ٍ مـن حكاياك
------------------------------- يحطها كبر القصـور المبنـّات
مبنـّاة مبنـّاة كبر خشم الغرابـــه
----------------------------- ويكدّر المشروب عقب الطرابـه
وهـو يشابه بومة ٍ في خرابــــه
----------------------------- لا ناقل الهرجـه ولا كفو هرجات "
"القاف قل للي يريــــد النواميس
-------------------------- اللي يبي طرق الهوى يرخي الكيس
وإلا بذلت النفس والكيس وإبليس
------------------------------- يطيح ناس ٍيدّعـون الديانــات
طاحوا وصاروا للخلا يق علاجــه
------------------------- يلقى بهم راعي الهوى قضي حاجـه
وإلا نثرت الحب جـتـك الدجاجــه
------------------------ حاضت وباضت لو تبي عشر بيضات "
رررررررررائع !
لك الحق أن تفتخر بهذا الشاعر العريق يا محمد ...
درر من الحكمة توزعت بين الألف إلى الياء
ألف
.
.
.
ألف
.
.
.
ألف
.
.
.
شكر لك على طباعتها لنا على طولها سيدي ...
صح لسان جدك الشاعر محمد بن عمار غفر الله له و هذا الشبل من ذاك الأسد ...
لك تحياتي العميقة ...
ــــ.. .
|