[محمد السالم]

	.. .. رباه ؛ عبدك حنت ؛ ظهره مساويّـه ................ من غيل ذنب الهوىَ ؛ متروّي وشابع من شبّته ؛ يزرع السيّة ؛ على السيّة ................. لين انتحىَ ؛ في مسارب عقده الرابع يتبع هوىَ النفس لين أحفت خطاويّه ................ و(إ) جناح ذلّه هوا به دركه السابـع هجير ذنبه يزاور به ؛ مـن الفيّـة ................. وبركان خوفه ورى ؛ كينونته نابـع متمرجـحٍ بيـن ؛ غابيّـه ؛ وباديّـه ................. هذا يجرّه ولاخـر يلـوي الضابـع في نظرته تبـدو اللوحـة رماديّـه ................. لا لـون فيهـا ولا تدريـج متّابـع تنـم عـن رسمتيـن شبـه عفويّـه .................. عصفور خايف ؛ ونسر مخلبه جابع رباه ؛ عفوك على ما كان من نيّـة .................. عبدك بطبعه جهولْ ؛ وعفوك الطابع رباه ؛ وشحيلته لا جـات عصريّـة ................... النود تذري ؛ وعبدك فاللحـد قابـع .. .. م.س.