رد : بيت شعر ..
ترى الليل مايصلح بليا تعاليل
تعاليل يبرن القلوب الغليله
انا اللي جرى لي في حياتي غرابيل
غرابيل يدعن الدقاقه جليله
الا ياعيوني هلّي الدمع بالحيل
عليك القصيره ياعيوني طويله
الا وا عناي امن الليال المقابيل
ليالن على الحمّى تزيد المليله
ليالن تبدل للمحبين تبديل
تجيب التفرق للخليل او خليله
هوايه كليف او لاتجيه المراسيل
نحاني زماني عن وليفي بحيله
خذا القلب وودعني سوات المهابيل
حسين النبا اللي نافل كل جيله
ملكني هوى راعي العيون المضاليل
وانا من قبيله والغضي من قبيله
عليها عيوني كن فيها سماليل
ولا لي صديق قال وا عزتي له
له ارفع بصوتي والحق الويل بالويل
ترى الموت زين ولا الحياة الذليله
نويت السفريالله عليك التساهيل
ابا امشي وحالي من فراقه عليله
احمد الناصر
|