[عايد الضبيان]

الرسالة الأصلية كتبت بواسطة عبدالله اللوحان

السلام عليكم ..

مسـاءكم / صباكم.. نرجس ..
مصافحه أولى لعلها ترقى لذائقتكم ..

[ مدخل ]
\

العز يبقى في وجيه الرجاجيـل=عربون نقدي يندفـع للرجولـة
صيتك يِذعذع لو تبي ياصل النيل=مدّ اليمين / وافعل أللي تقولـة

بسج نفسي وأترك الناس وأجيـك=أبيـك تفهـم جيّتـي وش وراهـا
من حر مابي ياعشيـري اناجيـك=النفس طابت ماتبـي مـن هواهـا
أحذر عزيز النفس لاطـاح باليـك=ارفع مقامه للعـلا عـن عناهـا
بالك تخيّب مـن ترجـى يخاويـك=أدمحلـه الزلـه وطـوف بلاهـا
خلـك صبـور وقـدر الله عانيـك=تقديـر للعالـم وتلقـى عطـاهـا
وبالك تخون الجار لا صار حاميـك=خلـك ذرا للجـار وألطـم عداهـا
أحشم كبير السن لا صـار ناويـك=اسكت ترا نفسـك تلاقـي غناهـا
أكرم ضعيف الحال لا جاك ناصيـك=واعرف ترى الحسنا تضاعف نماها
وافقّه بدينك يسـر اللّـه مباديـك=علم الشريعه صايب اللي نصاهـا
والطف على شخصٍٍٍٍٍ يودك ومغليك=أكفه عن الهرجـه وطهـر نواهـا
ورجع لربك كافلك فـي مساعيـك=اركع ومـد ايديـك للـي كساهـا
بسج نفسي وأترك الناس وأجيـك=ابيـك تفهـم جيتـي وش وراهـا

[ مخرج ]
\

الصمت (حكمة) في لسان الحليمين=وإلا الردي دايـم مجهّـز شهـودة
هذا الزمن يبغى رجالـن وفييـن=يعصبُّهم راسه / ويرقـى سنـودة

- ودمتم سالميـن -

عبد الله اللوحان
صح السانك
قصيده جزله
لاهنت على البوح
القيمي
لك تقديري