[محمد الدحيمي]

لحظتي :

يامطووووع القوم داعي النااس للطاعة
الهادي الله .. وخلقه ما انت هاديها

شريت تتن .. ونسيت اجيب ولاّعه
ورمعت لي رمعةٍ .. واقفيت مخطيها

خطّرت للسوق واهل السوق هجّاعه
للطيب هقوة تدلك طيب هاقيها

مايجني الزرع غير كفوف زرّاعه
ولا يتبع الوسمي الا من يذريها

هوووووشه ..

ولاغير منّاعه ..

وفزّاعه
وانا احسب القوم قدهي تسحب دميها

ماقلت لك ! لايغرّك صنقل الساعه
قد قلت لك شف بلاها في براغيها

يامطوع القوم داعي الناس للطاعه
الهادي الله .. وخلقه مانت هاديها

لي ساعةٍ يامطوع وانت لك ساعه
والساعة الثالثة .. مالك شغل فيها