هلا وسهلا يامقدور فاقدينك
إقتباس:
الرسالة الأصلية كتبت بواسطة سعيد بن مقبل الأكلبي
لحظ/تي 
ماغير اراقب نجوم الليل,,, لا بانت
من غير لا هم في راسي,,, ولا شكْوا
,’
لو كان في خاطري حاجه,,, ولا كانت
من دونها راعي المتْكا على,,, التكْوا
,’
لكن هانت على راي الذْكي,,, هانت
من قبل يكْوي هدومه يلْمس,,, المِكْوا
|
شسالفه يابو مقبل ؟
تخيلت المكوى القديم ابو جمر
إقتباس:
الرسالة الأصلية كتبت بواسطة محمد الدحيمي
[b]
من جاء عند ابو مقبل بيوسع صدره غصب |
وانا اشهد يابو خالد
الهادي الله وصح لسانك يابو خالد
وخذ ولاعة
إقتباس:
الرسالة الأصلية كتبت بواسطة خلف ضحوي
هذي الأبيات أبو بدر ولها سالفة
تفضل طول الله عمرك على طاعته وجميع الحاضرين
أبو مقبل وين الطعس اللي إنت مخيم فيه ؟
تجودين يا كفوف المنافق ولا تِصخين=مثل زاد يا غلوه ، ولكن بلا قِفْرة
تصنِّع تصنِّع والتصنع ما يصفي شين=تجلاّ طبوع الخلق لا طالت السفرة
تعرف الشريف ، من الدويني ، وأبو وجهين=ويبي يظهر الواوي ، ومن يشبه الخَفْرة
وعلى طاري الخفرات : دندن يا راسي لين ؛=يغيب اللمم ، وإلا إلى مِذّن الصفرة
أحب الحلو ، وأشره على ضمة الحلوين=تقل كبدي القشرى من العام منصفرة
كذا الله خلقني يا مليح ، وتوحَّى زين:=هوى اليوم يرمي طيِّب الساس بالحفرة
وإذا كان مالك يا مليح النبا قلبين=طوال المعانق يودعنَّك تقل ( شَفْرة )
|
الله الله ياخلف
قوة وتماسك بالكلمات وكانها كتبت من ذهب
وهي لعمري كذلك
