السلام عليكم
متواضعه علها ترتقي لذوقكم الرفيع
يامنوتي ليـت الهـواوي مخيَـر = ماكان بعد اللـي جرالـي ذكرتـك
أنا حسب اني حر واثـري مسيَـر = كنت اتوقع بعـد صـدك هجرتـك
تدري وش اللي في حياتـي تغيَـر = صحيت من نوم الغرام وسهرتـك
أيوووه ليت الشوق ليلـه قصيَـر = ماكان عنيت القصيـد وسمرتـك
وياليت طيفك ينمسك يـوم سيَـر = يمدي قبل تتعب خيالـي قهرتـك
هو ليش عن حبي تصـد وتذيَـر = والله لونك جيـت يمـدي عذرتـك
خذها مابين اقواس شيك ٍ مجيَـر = (حبيت غيرك) واعترف لك خسرتك
لقيت حب انسـان صـادق وخيَـر = وغمرته بحبـي مثـل ماغمرتـك
بس المصيبه صار شي ٍ محيَـر ؟! = كل ماتبسم لي....سهيت وذكرتـك
سلامتكم