إقتباس:
الرسالة الأصلية كتبت بواسطة علي التركي
شميتها مع سكون الليل .. نفحة عطر=وأنا بدرب العطور .. يضيع كل جهدي
تفوح عشق وغلا .. والصدر باقي جمر=يا زفرة العود .. ترجف للمصافح يدي
هلّت مزون الوله .. يا مستغيث المطر=جيتك بشوق أرتشف .. والكاس توّه ندي
مدري شربته مطر .. والا شربته خمر=ضيّعت في سالفة عشقي .. وأنا مبتدي
هي تعتبرني أمل .. مهديها المنتظر=وأنا أعتبر طيشي .. بيدينها مهتدي
تقول : أنا أتابعك .. وادوّر أية خبر=وأنته ولا تلتفت .. وأحيان عني تغدي
يا بنت لو كنت داري .. عن دروب السفر=شلتك معي مزودة .. تنقذ بقايا جسدي
مير البلا مالقيت .. الباب بيتك ممر=أحرمت بك عشق .. وأتحللتها في فدي
حاولت أدوّر عذر .. وأظن مالي عذر="لاصار شوقي فضا .. وديار وصلك جدي"
واليوم جيتك .. لدار العشق .. أنا معتمر=أنحر سمان القصيد .. فـ باب بيتك هدي
|
الله الله الله الله................
ابو تركي تلعب دائماً على وتر جديد غير مسبوق
كل بيت أتأمله أجد حكاية وكل مفردة أطالعها أجد قصة
سجل إعجابي