|
رد : زفرة العود
إقتباس:
الرسالة الأصلية كتبت بواسطة علي التركي
شميتها مع سكون الليل .. نفحة عطر=وأنا بدرب العطور .. يضيع كل جهدي
تفوح عشق وغلا .. والصدر باقي جمر=يا زفرة العود .. ترجف للمصافح يدي
هلّت مزون الوله .. يا مستغيث المطر=جيتك بشوق أرتشف .. والكاس توّه ندي
مدري شربته مطر .. والا شربته خمر=ضيّعت في سالفة عشقي .. وأنا مبتدي
هي تعتبرني أمل .. مهديها المنتظر=وأنا أعتبر طيشي .. بيدينها مهتدي
تقول : أنا أتابعك .. وادوّر أية خبر=وأنته ولا تلتفت .. وأحيان عني تغدي
يا بنت لو كنت داري .. عن دروب السفر=شلتك معي مزودة .. تنقذ بقايا جسدي
مير البلا مالقيت .. الباب بيتك ممر=أحرمت بك عشق .. وأتحللتها في فدي
حاولت أدوّر عذر .. وأظن مالي عذر="لاصار شوقي فضا .. وديار وصلك جدي"
واليوم جيتك .. لدار العشق .. أنا معتمر=أنحر سمان القصيد .. فـ باب بيتك هدي
|
ما أكرم هذا الشعر
هنا
عطر .. وعشق .. ومطر ..
قصيدة متفردة يجرفك طوفان إحساسها المدمّر ..!
ويسكنك شجنها عضو .. عضو .. شريان .. شريان
ويدعوك صوتها إلى استدعاء مشاعرك بكل تفاصيلها للاستمتااااع ..
هي تعتبرني أمل .. مهديها المنتظر
وأنا أعتبر طيشي .. بيدينها مهتدي
هنا تفرد .. وتوظيف أكثر من رااائع .
وهنا لامست شيء ما داخلي ..!
تفوح عشق وغلا .. والصدر باقي جمر
يا زفرة العود .. ترجف للمصافح يدي
هنيئا لـ قبيلة العشّاق هذا النصر المؤزر ..
علي التركي .. هنا تجلت ملامحك وملامح تجربتك بكل تجرد ..وجرأة ..وشجاعة نادرة ...
علي .. هنا طوفان شعر ومشاعر ..,,,
|