بسم الله الرحمن الرحيم
مشاركة بعد طول غياب اتمنى أن ترتقي لذائقتكم
وسلامة الجميع
تشجع واكسر الحاجز ورد النور للمصباح
وخل الليل يفتح مع بياض الصبح شباكه
ليا ذعذع نسيم الشوق عانق عطره الفواح
ولا تشكي من الغربة وظلم الورد واشواكه
أمانه ياسراب ارحل ترى برق البشاير لاح
ابشرب من غشين الشوق واركب دورة افلاكه
أبي جفن العنا يرقد أبي دمع الأسى يرتاح
ابيها تنتهي مأساة ذاك القلب وانهاكه
ابطوي صفحة الماضي وارد الجرح للجراح
أبي ذاك الزمان يموت فيني واقفل ابواكه
بعد مديت لي يمنىً نديه والليال اشحاح
ابصخي لك بقلبي وانت باسلوب الهوى حاكه
ترا قلبك كما طيرن تعبت اومي له الملواح
ألا ياوجد حالي لو تجي وتقول لي هاكه
ترا الله ماومر في ذبح خلقه وانت لي ذباح
وش اللي طايلك من ذبحة المخلوق واهلاكه
دفنتك وسط قلبي ياهوى واثر الهوى فضاح
تشوفه في عيون المهتوي وتلاحظ ارباكه
رميتك في بحور العشق بختٍ عاند الملاح
على باب الرجا لو ان حلمي يصعب ادراكه
وسلامة قلوبكم