مرات احس اني ضلمته .. ومرات !
احس في كل المشاعر .. تراعيه
عجزت اميز ما بدى منه بالذات ..!!
لا من حكى ما افهم مشاعر حكاويه ؟
ليته يواسيني بصفحه مساحات ..!
ويبشر بقلب ٍ في الليالي يواسيه ..!
احيان في ذروة وصاله .. مسرات
واحيان في قربه شقاي واداريه ..!!
احتاج لا منه جفى القلب .. بسكات
وابقى اعاني لا ابتدى في تغليه ..!!
واشبع حزن..واروى هموم..ومعاناة
اليا بكى .. وادناة شي ٍ يبكيه ..!!
متشتت ٍ فكري على كل ما فات ..!!
اوحيه لو اني على السمع .. ما اوحيه
كنت احسب ان الشوق يا صاحبي مات ..!
اثر المحاني من غرامي .. تحاتيه !
اشتاق له واسابق الوقت .. خطوات
والحب يجذبني .. لجرة خطاويه ..!!
واعود .. وعيوني بها كل حسرات !
وابقى ولو يبقى الاسى .. من تماديه
ما غاب عن فكري ولو كان لحظات .!
وغصب ٍ علي فالحلم ( عيني تطريه )
ما للندم .. وان حل طاريه .. سيات !
دامه ليا من حل تبدى .. تواليه !!
والبعد يجبرني على الصبر فأوقات ..!
واوقات لا والله .. ياللي تحاليه ..!
متعب فهد