بسم الله الرحمن الرحيم
مساء الخير / أٍسأل الله أن يبلغنا رمضان الكريم و أن يجعلنا من قوامه وصوامه إيمانا و إحتسابا .. اللهم آمين
وش مشغلك عني ترى خاطري ضاق=إما تجي والأ أنا الليّ بأجي لك
يسكرك قلب ّ ليته امن الهوى فاق=كثرك حرام ّ دام يسكر قليلك
وش عذر ليلك قبل ينبان الإشراق=وأنا ونجم الليل نتبع دليلك
إرحم خفوق اللي تعذبه الأشواق=لو يطلبك حق ّ بيغدي قبيلك
تعال شوف القلب في الصدر خفاق=كم من سنه في وسط حضنه يشيلك
لا تقطع أعروق المحبه بالفراق=تكفى دخيلك أيه تكفى دخيلك
كنت الخريف اللي نثر في الأوراق=وأجمع شتاتي فيك وأشفي غليلك
كنت الشتا و أشب الأضلاع مشتاق=و أحطب معاليقي و أدّفي شليلك
أجي وفا , وألقى الجفا ليل الأحداق=وأقول يا حبي لسهرات ليلك
وأراقب ألوان الشفق بين الأفاق=يالله عسى نور الوصل ينتحي لك
ترهي طعونك و أنت للجرح ترياق=يا رحمة الله ما تداوي عليلك
ألقاك ضامي و أهتني بل الأرياق=من شط حبك من فراتك و نيلك
ماني بحي الله ولكن الأعماق=تذعن لحكم الحب في مستحيلك
أجيك نسمة شوق للوصل تواق=لا تنشغل عني تراني دخيلك
يسكرك قلبي لكن أخاف لا فاق=يتوب كثرك دام يسكر قليلك