[خالد التميمي]

محمد .. يسعد مساك ...

اعتذر جداً عن الوعد المهمل ...

هاذي ابيات من ( كتابه ) قديمه .. لااذكر تاريخها ولااذكر بدايتها ... بالرغم من انني مازلت احاول ان اتعدى حواجز المبتدئ ...


اذكـــر انــي كــنـت ســـاهي وكـنـت لاهــي بالكــتابه ... حـــاكت الــريشه بحــر ونــادت اشـجـــاني هــبـوب
يــوم شـفـت اسـمــه بقـــافــي قــلــت ويـلي ويش جـابه ... مــــاكــتـبـتـه الا بقــلـبـي يــابــعـــد كـــل القـــلـوب
اثــري مــاقــصـد الا واكـتـب كــل قـصدي في جـنابه ... لــو نســيت حــروفه مــرّه ذكــّـرت حـرفي الـذنـوب
ولــو طـلـبـني مـــاطـلـبـني مــن ســنــا وجــدي غــرابه ... طـفــل فــي لـيـلـة فــرح غـــايـتـه بـالــعــيـد ثــوب
ولـــو كــتـبــتـه فــكــر عـُـمــري مــاغدى بي لو غدابه ... يــاخذ الــهـــاجس شمـــال ويـسـري بـقــلـبي جنوب
إبـشــري بقــلــبٍ يحــبــك جـــار بـــاب الشــوق بــابــه ... مــنـهــل العــشــاق مـنـــّا ومـنهل الحســادِ صوب
إســالـــي شــمــس الــغـــروب عــن ظما ذيك السحــابه ... كـــان مـــاتـدرين عني إســالـي شــمـس الغــــروب
وإســالـي دمــع الــيــتـــامـى والامـــاني عــن جـــوابه ... والــعــجــوز الـلــي دعــت لـك والــيـالـي والــدروب
وإســالـي عــيــنك ورمـشـــك والــجــروح الــلــي تشابه ... أصــدق احــلامي وهــم .. وأجـمـل اوهـامي كذوب
وإســالـي وبـــل القـصــــــايد لازهــا لــك فــي ســـرابه ... واشــربــي مـــنــها شـــذا دام عــشــقـي مـــايــذوب
حب عــذري وعشق عـمــري وحب عشـقـي في عذابه ... آه يــــاحـــلــــو العـــذاب وآه يـــــاحـــــلوه عــــذوب
دامـــك انـتــي مــلــهـمـتـني يــاهـــــلا بحـبــك هــــلا بـه ... والله انــي مــاتــهــاون عــن هــــواك ولا اتــــوب

سبق نشرها في الاقلاع ... ( نسختها من هناك )


قد تكون عباره عن تحول كبير بالنسبه لي .. و لكن اعتبرها هي البدايه بالرغم من الهفوات الكثيره فيها ..


شكراُ يامحمد واعتذر مجدداً...

اخوك ..
خالد التميمي