[الهوى شرقي]

[poet font="Simplified Arabic,4,black,normal,normal" bkcolor="transparent" bkimage="backgrounds/9.gif" border="none,4,gray" type=0 line=200% align=center use=ex length=0 char="" num="0,black" filter=""]
جاء يشوف الحال كيفه .. بعد ماهزّه حنينه

= وقبل يسألني سألته : كيف حالك يالحبيب ؟

قال انا كني غريب ٍ ضيّع دروب المدينه

= قلت انا كني مدينه تنتظر رجعة غريب

قال اجل وشفيك تلعن سيرة الحب وسنينه

= قلت اجل وشلون ماالعن سيرته دامك تغيب

انت لامن غبت حتى مرايتك صارت حزينه

= كيف ماتبغاني احزن وانت لي مثل النصيب

الهدايا والرسايل والمكاتيب الثمينه

= والليالي والقمر والريح والكون الرحيب

كل ماتبعد .. تجيب الشعر ليّه من يدينه

= وتقعد جروحي تودي فـ الطواريق وتجيب

يابعد كل القصيد ونزوة احْداه وانينه

= لاذكرتك .. لاح بيت , وطاح ورد , وفاح طيب

وان نسيتك مانساني صوتك المبحوح لينه ..

= ياخذ لجرحي بـ ثاره من خطاياك ويطيب

وبعد هذا جاي ترمي ذنبك بوجه المدينه ؟!

= مادريت ان المدينه كلها ( شمعة غريب )..

[/poet]


يشهد علي الله اني دورتها في جميع محركات البحث قبل فتره

ولم اجدها..!!

وهاهي اليوم تأتيني من صاحبها..

لذلك اعتبر هذا الرد تسجيل اعجاب بهذه الرائعة وبقائلها الكريم..

الهوى شرقي