|
تذكرين؟
السلام عليكم ورحمة الله وبركاته
كل عام وانتم بخير بعد االزحمه وان شاء الله ان الكل بخير وصحه سلامه...
اود ان اقدم لكم هذهَ المتواضعه التي سبق وان شاركت بها ولكني ارى اني
.. بحاجه الى ان اشارك بها مره اخرى وارجوا ان تحوز على رضاكم
تذكرين ؟
يوم كنا صغار في سن الطفوله
يوم كنا بحارة وحدة
بيوتنا متقابلين
تذكرين ؟
في يوم جينا زايرين
تذكرين وش صار فيني ؟
يوم طحت بحوشكم
وجتني ضربه في جبيني
يوم جو متراكضين
كانت التهمه عليك
وانا أفز ودي أجيك
لكن الدم غطى عيني
من جبيني
تذكرين؟؟
أسئلوني وش سبب هذا الأذى
وانا أجاوب حتى مايصيبك أذى
تدرين ليه..؟ لأني أحبك يا......
تذكرين وش هو السبب ؟
كنت اركض..ودي اقطف وردة ياسمين
حتى أقدمها هدية
تذكرين كانت لمين..؟
آه يا سن الطفوله
كنت أحبك من زمنها
وعمري حول اربع سنين
اشهد ان قلبي حزين..
ما عرف طعم السعادة
في الطفوله
لأنك يا انتي مراده ياخجوله
آه ياسن الطفوله
تذكرين..؟
تذكرين..يوم شديتوا الرحايل
تذكرين..وقفتي بذيك القوايل
كنت واقف أنتظر منك حنين
واقول يمكن تنزلين
لكن الهقوة اخذلتني
ماأنصفتني...
قلت يمكن ترجعين؛؛؛
أنتظرت سنين وسنين طوال
وانشدالاطلال ترجع اومحال
ما يجاوب..
يروح صوتي ثم يجيني
تصدقيني..
كانوا الأطفال دايم يلعبون
وانا جالس انتظركم ترجعون
شكوا فيني..
قالوا وش هذا الغرور
ليه ماتلعب وتفرح ؟
ليه ماتبغى السرور؟
مادروابشوقي الدفيني
تذكريني...
كم حبيب مع حبيبه
يا طبيبه
وحنا تونا ملتقين
ف العيادة
صدفه..صدفه ياطبيبه
وانتي مازلتي خجوله..
آه يا سن الطفوله
ياللـه قومي وافحصيني
شوفي قلبي وش مراده..
وافهميني..
توها جتني السعاده
ف العياده
يوم شفتك..
بس ما ادري انتي تبيني.؟
وين انااليوم وانتي وين
صرتي دكتوره كبيره
وانتي لي تعالجين
وانا حالي الله يجيرة
يعين رب العالمين
اطردوني من الدراسة
مايبوني...
لااحل ولا اجاوب
غير اسمك انطقه في كل حين
اظلموني
آه ياذيك السنين..
كل من حولي حقروني
لا دراسه ولا وظيفه
ولا اخو اركي عليه
ابوي عود ومنتهي
ماله غيري يرتجيه
كان يملك له شوية غنم
ينفعونه وينفعوني
لين حلت حكمةالله
وامرضت كل الشياه...
قلت اداويهم من هذا المرض
جبت اسعافات اوليه
اعترض هذا المرض
قال لا لا تحاول ،
انا حمى قلاعيه.....
تصدقيني...
ويوم جا توفيق ربي
وظفوني بالحراسه
واستلم الف وميتين
عندي ابوي وعندي امي
وعندي معهم ست خوات
سنهم سن الطفوله
ياخجوله
وفوق ذا علي دين
شفتي كيف صارت حياتي
بعد ما شديتوا الرحايل
وانا واقف انتظر منك حنين
تذكريني..
ترى باقي بي علامه
انظريها....في جبيني
لا نظرتيها يمكن تذكرين
يوم اطيح بحوشكم
تحت ورود الياسمين
تذكرين؟؟
وارجوا المعذره.
|