[ابراهيم الرشود]

[poet font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=200% align=center use=ex length=0 char="" num="0,black" filter=""]
لا المسا داكن..ولا حتى السما زرقا..

تركتك ماهقيت ان البعاد أهون من الفرقا..=وغافني خفوقي لك وحنّا منتهين العام...
نزل دمعي..ويوم ٍ لاح كذبك ماقوى يرقا !!=(حسافه: ليتني ماجيت أصحّي جرحي اللي نام)..
جمع ملح المواني هالحزن في عيني الغرقا..=وصبّيته على نارٍ لهبها زادته الأيام..
وعقبك..لا المسا داكن ولا حتى السما زرقا..!!=وحتى خافقي الشاعر توقف مايجيه إلهام !!
غريبه كيف تكذب وأنت من جوف السحاب أنقى!!=ولو صدّق بك القاضي بليا حلف ما ينلام..
لك الله صحـّت أنقاض الحزن في داخلي ورقا..=لها منك الهديل اللي على طاغي حلاته: سام!!
عسى من همت به بعدي يتعّّبك ومعك يشقا..=مدام إنّك حكمت لقلبي المطعون بالإعدام..
تذكّر يوم تحلف لي على عهد الوفا تبقى؟؟=وأنا أدري ان البخت وياك -حتى بالغلط- ماقام !!
تذكّر يوم أخاف البعد..وأنت تقول:وين ألقى= مثيلك؟؟ ليتني مابعت لجلك سالف الأعوام..
ياخاين شوف جرحك ماترك فيني ولا بقــــّــا= وأنا لي جرح واحد منك (فيه من السيوف زحام)!!
تركتك ماهقيت إن الخفوق تشبّه الفرقا..=واثر في القلب جذوه ولّعتني يوم دار العام...!!

[/poet]