[نواف الشمري]

ده حلمنا...طول عمرنا ...كيماوي يلمنا... يسدحنا كلنا كلنا كلنا." الحلم العربي "



الحرب قابسه قابسه هاليومين مايبيله ون تو ..... والبلا اننا ياهل الخفجي ودنا نهج .. مار مستحين ونحتري هاللي بالكويت يهجون ثمن نلحقهم ... الله يذكر هاكالايام يوم عجتنا بمشعاب وحنا دون الحفر

هاك الحين ايام حرب الخليج الثانيه على كأس الامم المتحده (( والله يالخليج صاير تسنه ملعب كل عشر سنين تصير بوه حرب تسنه بطولة العالم كل اربع سنين , عاد اللي يقهر ان القارات الثانيه ما خذت نصيبه من كأس الامم المتحده الامريكيه ( تهقون الخليج دافعين فلوس للامم المتحده علشان يستحوذون على هالبطوله خخخخخخخخخخخ ) )) اقول هاك الحين كلن نكس لديرته وادهرت صلة الرحم بين الناس, حتى انه هاللحين فيه اختلافات بين المؤرخين ما يدرون يسمون هاك السنه سنة الازمه او النحشه او صلة الرحم او رزق الخرابات


عاد اثناء صلة الرحم هذي كانت البيوت مليااااااااااانه من البشر وصفت النفوس بين الحريم خخخخخخخخخخخخخ حتى ان الحريم رضن يسكنن مع بعض والرجال صاروا قواااااامين صدز ياحليل هاك الايام الله لا يعيده الا بالخير .

اذكر مره كنا معزومين والشعب كله متجمع ( مهو هاللحين ما تلقى اللي يجيك ) وهالشيبان مالهم سوالف الا عن الحرب وتحليل المواقف لكل دوله ووش قالت لندن ووش قالت مونت كارلو المهم وبعز النقاش وهو ينقز هاك الشايب الله يرحمه حي ٍ ميت قال :
تشوفون هالصواريخ وهالدنيا , والله انه ما تهم ولا تشكل على احد , هذي تبي تذبح له واحد او اثنين او عشره (( عاد تخبرون موتة الواحد عندنا زي سلام عليكم اللي يشوفنا يقول هذولا اكثر من الصين ))
ثمن خذااا لوه نفس عميق وقال :
مار البلا والله هالكيماوي اللي يرشونه وحنا نومى ويوم نقوم يمار حنا موتى !!!!!!!!!
هههههههههههههههههههههههههههههههههههههههههههههه
اما يوم نقوم يمار حنا موتى هههههههههههههه



وهالايام تقريبا اجواء مشابهه لتلك الايام مع فرق الخبره تقريبا .

هاللحين الشعب مدهرين بتأمين الرز والزيت والمونه وتركوا سالفة السرج والروادو ( الراديوهات للبدو ) الا محاتسيكم ما شرا العود ( حسبي الله عليهم وليه يحطون المطشي باخر الشهر )
واللي عنده زود قريشات شرا اقنعه وملابس واقيه (( ام سبعة الاف حسبي الله على وزارة التجاره ولا تهون باقي الوزارات )) يعني هاللحين اللي ما عنده فلوس يفطس والله قهر طيب سلفونا لياما تنتهي الازمه وللا قسطوهن علينا وللا اقول بلااااااش رب ٍ خلق ما ضيّع وياعل كل من تاجر بمشاعر الطفارى يخرب قناعه ..


وللمعلوميه ... سمعت ان الطفرانين يبون يستعيضون بشماغ البسام القديم بدلا من الاقنعة .. واحب اقولهم اني سويت تجربه واستنتجت ان الكيماوي ماينفع معوه الشماغ.. هالحين الشماغ ليامنوه رطش بالماء ثمن تدق هكاللطمة اللي يامار انه تنسم ؟؟؟