[سعيدان]

[c]

سلملم يعني السلام عليكم ماهو سلملم اللي معنا بشعبيات


مساكم الله بالخير ياللي معنا في السعودية والخليج وماجاورها

وصبحكم الله بالخير ياللي في شرق اسيا وماجاورها

ومساكم الله بالصبح ياللي من غرب السعودية وما جاورها

كيف الحال يالربع ان شاء الله تمام

بناءً على الطلب الزائد والمكثف من الاخوان على سعيدان انه ينزل موضوع ابشركم اخيراً صدرت الموافقه من سعادتي اللي هو انا باني اعطيكم اول موضوع لي (( ما تحسون ان سعيدان ماخذن مقلب في عمرة قال وشهو الطلب الزائد مطعم ماما نورا يابو الشباب ياشين بعض الناس مايعرف يخارج عمره ))


قبل ابدا الموضوع تحذير بسيط الله لايهينكم

اخي المواطن اخي المقيم (( الجوازات على غفله ))

اخي الزائر لهذا الموضوع او اي موضوع يخص هذا الشخص اللي يسمونه سعيدان ارجوا اتباع التالي :

اولاً / افصل الاتصال لانك بتقعد بها من كثر مابتقرأ

ثانياً / لا تخش وتطلع وانت مافهمت السالفه لانك بتكون انت الخسران ولان فيه اسئله وجوائز (( خطير سعيدان يبي يحببهم في الموضوع :? ))

ثالثاً / اذا كان الموضوع كنه قديم فالتمسووووووو لي العذر لاني توني سامع فيه :'(:'(

رابعاً / وهذي اهم نقطه في الموضوع ..... ممنوع التدخين في الموضوع وكافة مرافقه ولا تدرون خذوا راحتكم اخاف انكم كلكم تطلعون مدخنين وما القى احد يرد على الموضوع :bozo: وخوذوا معكم هذا تسلووووووووو به :corn: :corn: :corn: :corn: هالفشار خاص لغير المدخنين وللصبايا واللي يبي زود يشتري هو عاد ما نكد على عميان

يالله ترا هالحين نبدأ في الموضوع



اكشن



هذا ياجماعة الربع واحدٍ اسمه سعيدان يومه كان بالابتدائي سأل مدرس العلوم هالسؤال

كم عمر السلاحف ؟؟؟

والحقيقة الظاهر ان المدرس صرف له من راسه هالاجابه وهي ان السلاحف تعيش كثير بس ما ادري كم

المهم كبر الاخ سعيدان وهذي الاجابة في راسه وفي يوم من الايام قابل اعز اصدقائة واللي هو حمود الافدغ وحمود هذا انسان على السليقه يعني فطري يقوم الصبح من النوم ومافيه امل يغسل وجهه واذا غسل وجه كنه بلاط مغبر نازل عليه رشة مطر خفيفه يعني يصير وجهه منقط وكنه حبة فقع وريحته ريحة مطر واذا لقى فطور افطر واذا مالقى يعوض بالغدا يعني على السليقه من قلب

المهم حمود سأل سعيدان نفس السؤال فجاوبه سعيدان بكل ثقه بالاجابة اللي خذاها من مدرس العلوم ايام الابتدائي

حمود الافدغ ضحك زي كذا خخخخخخخخخخخ وقال عليك خشه ياسعيدان يعني ماتعرف ان السلاحف تعيش اكثر من 10000سنه وانا اخبره مايحب النصب لانه خبل ولايعرف ينصب فقلت له اقول اركد لايجيك كف يمشي مليووووووون ينزل كل اللي في خشمك وش 10000سنه والله ولا دوله برجالها وعتادها ما تعيش هالعمر اقول استح على وجهك يافديغ ولا عاد تقول لاحد هالكلام

المهم حمود كنه تراجع شوي في كلامه بس انه باقي مُصر يفهمني المعلومة

قال حمود : طيب اسمع هالسالفه

سعيدان : هات اخلص ----->مسوي زعلان

(( على فكره ترا رد حمود الجاي هو لب الموضوع يالربع ))

حمود : هذا ياطويل العمر كان فيه اربع سلاحف عايشين عند بحيره وقعدوا عندها 2000 سنه حتى نشفت هالبحيرة المهم وحده من هالسلاحف قالت للباقين انا اخبر فيه بحيره ثانية على بعد 1000 سنه وش رايكم نشد ونروح يمها قالوا البقية تم يالله توكلنا على الله المهم شدو السلاحف عفوشهم وراحوا ويومهم قطعوا 500 سنه قالت وحده منهم وش رايكم نريح هنا شوي ونتغدى وبعدها نمشي فردت عليها الثانيه وشكلها مستعجلة شوي قالت لا والله ما نتغدى حتى نوصل للبحيرة

المهم كملوا طريقهم وانواع العذاب والغربله في الطريق وتعطلت صدفة وحده منهم قامت ماتهوي زين وحالة قشرى بعيد عن الحاضرين

المهم وصلوا للبحيرة الجديدة فقالت اللي ميته من الجوع يالله خلونا نتغدى ذبحني الجوع قالوا يالله افرشوا السماط (( يعني السفره )) ويوم هم يفرشون السفره وهي تجيهم وحده وتقول حسبي الله عليكم نسينا الدش والرسيفر عند البحيرة اللي قبل قالت وحده ثانيه يلعن ام القهر خلاص روحي جيبيهم وتعالي قالت خلاص ابروح اجيبهم بس لا تتغدون حتى اجي ((صدق انها رايقه من قلب

قالوا لها خلاص ما بنتغدى حتى تجين وهي تروح وهم يحترون 500 سنه و1000 سنه و1500 سنه و 2000سنه وهي ماقد رجعت طفشوا من الانتظار قالت الضعيفة اللي ذبحها الجوع وش بلاها هذي تاخرت قالو ننتظر 500 سنه اذا ما جات نتغدى وهم يحترون 500 سنه وتوها ما جات المهم قالوووو تدرون نتغدى ونبقي لها شوي ويوم حطوا غداهم على السفرة وهي تنقز لهم من ورا حصاه وقالت ادري ياعيال الذين انكم بتتغدون وتخلوني (( اثاريها ماراحت تبي تشوف بيتغدون ولا لا خخخخخخخخخخخخخخ

وبعد هالشرح المفصل عرفت ان مدرس العلوم ماعنده سالفه وعرفت ان حمود الافدغ هو اعز اصدقاني رغم انه مايغسل وجهه اذا قام من النوم


على فكرة تراه مجهود شخصي ماهو قص ولصق يالربع يعني تراني ماغط في كتابته حدود ساعه

تحياتوووووووووووووووووووووو


سعيدان المغطه


[/c]