واقلبــــــــــــــي اللي .........................
واقلبي اللي غفلت شوي فإحتلي *** ومجلس أمنّا تأخر فيه مرسوله
وعيا أمين المحبة عنه يرسلي *** وكل الهواتف اليا كلمت مشغوله
ومرسول حبه يراقبني كما ظلي *** ويقول فكرك خذيت القلب عربوله
ورضيت بالواقع اللي زايدٍ غِلي *** ثم خضت درب المحبه عرضه وطوله
يامن يواجه طبيب الحب يسألّي *** عن حبي اللي يديني منه مغلوله
ماريد كثر التحدث خوف يفطن لي *** مشاعر القلب بالاحساس متلوله
على الأمل عايشٍ وامل واكلّي *** واحساس قلبي عساه يدوم مفعوله
لو اني أقوى الصبر عز الله أزينلّي *** ستاير القلب في رجواه مسدوله
لاشك وضعي تغير عزتي للي *** نسبة همومه تزايد ضايقٍ جوله
الوقت يقضيه طول وعرض متسلي *** يضحك مع الناس سبل الحب مجهوله
يبعد عن الياس لو ان جوفه مغلّي *** من زود قهره فطن له من جلس حوله
كله سبايب هنوفٍ شوفها يسلّي *** مدعوجة العين بالتوصيف مقبوله
سودٍ هدبهن كحيلٍ زين ومظلي *** يسبل على طخةٍ بالحيل مجموله
حسن الوصايف بزين الدل متحلي *** واليا نظرته يشوقك زين مجدوله
نسمة حنان بجماله نورِه مطلّي *** يهول شخصٍ يشوف الزين من هوله
هي الوحيدة غلاها دوم متعلّي *** وهي الذي عن فؤادي دوم مسئوله
وانا الذي في هواها هايمٍ كِلي *** وهي الذي دارها ما هيب ماهوله
وانا الذي بالوفا متهيمنٍ خلي *** وهي الذي بادلتني شوق مذهوله
وهي الذي لشوفها والله ما مِلي *** وانا الذي باسط كفوفي على قوله
وانا الذي ان شفتها من قلبي اهلّي *** وهي الحبيبه بموق العين محموله
ياشبه نورٍ بوسط الغيم متجلي *** كامل وصايف جمالٍ محدٍ ينوله
تشوق من شافها ويجابه الذلي *** نّوٍ تبيّن يشوقك زين هملوله
ما غير خلي حبيبٍ بالغلا حلّي *** ابواب قلبي عن الخفرات مقفوله
أنا فوادي بعدكم يالغضي تِلّي *** من دون قربك يعيش الشخص وشهوله
ماريد غيرك لو انه بيتزينلي *** انتي مناتي عسى الدعوات مقبوله
وسلامــــــــــــــــــــتكم
اخوكم / مهنا بن شلّيـــه
|