مشاهدة مشاركة بصفحة مستقلة
قديم 12-08-2006, 12:11   #16
متعب الخامسي
شــاعــر
 

رد : (رايـة الشعـر) علي بن حمري

هلا بك يامتناهي والله يحييك يالغالي

وهذي عودة لشاعرنا علي يقول :


ياربي عليـك الصبـر بـار الزمـان وجـار
على راس من لا عـاش ألايـام فـي صفّـوه


ياكم دجت يا ساقي فـى ألامصـار وألاقطـار
جهـارا 00نهـارا ماعلـى الطيّبـه خـفّـوه


معـي حلـم (للتقبيـل) واطمـوح (للأيجـار)
أدوّر مقابلـهـا لجـفـن السـهـر غـفّــوه


ذبحني العدم مـع سابـق العمـد وألاصـرار
وأذا اليوم عندي شي 00ويـش العمـل قفّـوه؟


تقافت سنينـي وأصبـح العمـر بـارد حـار
ضياعي شكرته شكر 00يعجز على عفّـوه !!


ياحظرة جناب الضيـق مـال الصـدور أزرار
يابو وصـل مابيـن المحانـي وابـو جفـوه !


فـلا تنشـد الطرقـي ولا تـاخـذ ألاخـبـار
شف الحال مابه حال 00والهفّـوه الهفّـوه 00


ولا لي سوى ألله 00وأنت00والشعر00والفكسار
بعد مـا سفـت الاقـراب وأصحابـي السفـوه


إذا صد أخوك 00وهان رفّقك00وطيرك طـار
لحق راسك ألمشعاب 00ورجيلـك الحفّـوه !!

متعب الخامسي غير متواجد حالياً   اضافة رد مع اقتباس