جا يشوف الحال كيفه .. بعد ماهزّه حنينه
...................... وقبل يسألني سألته : كيف حالك يالحبيب ؟
قال انا كني غريب ٍ ضيّع دروب المدينه
...................... قلت انا كني مدينه تنتظر رجعة غريب
أخوي فهد والله يافهد صارلي فتره ونا أسئل عن اللي قايل هالبيتن منهو ياربي أشهد بالله انه شاعر مبدع مادريت انه المبدع والرائع فهد المساعد لا و تكملت هالبيتين اروع واروع بعد
فعلاً مبدع وصح اللسانك يافهد مليون مره ،،،
قال اجل وشفيك تلعن سيرة الحب وسنينه
...................... قلت اجل وشلون ماالعن سيرته دامك تغيب
انت لامن غبت حتى مرايتك صارت حزينه
...................... كيف ماتبغاني احزن وانت لي مثل النصيب
الهدايا والرسايل والمكاتيب الثمينه
...................... والليالي والقمر والريح والكون الرحيب
كل ماتبعد .. تجيب الشعر ليّه من يدينه
...................... وتقعد جروحي تودي فـ الطواريق وتجيب
يابعد كل القصيد ونزوة احْداه وانينه
..................... لاذكرتك .. لاح بيت , وطاح ورد , وفاح طيب
وان نسيتك مانساني صوتك المبحوح لينه ..
...................... ياخذ لجرحي بـ ثاره من خطاياك ويطيب
وبعد هذا جاي ترمي ذنبك بوجه المدينه ؟!
...................... مادريت ان المدينه كلها ( شمعة غريب ) ؟!!
ياسلام سلم على المبدع والرهيب فهد المساعد
تقبل تحيات أخوك
هوى بلادي
[
نوفمبر 02, 2001:
تم تعديل الموضوع بواسطة : هوى بلادي ]