سيف السيف
اولا مرحبا الف ياسيف
والله ياسيف ماهنا شي ابداً
واحد من الشباب اقشر وودي افضحه !!
بس تصدق عاد والله ياسيف رغم انك مالك اي دخل بالموضوع اني متوقع انك بترد !!
وكلامك صحيح فيه ناس كثير الا جت سيرتك قالوا الله يفكنا شره ويمكن فيه ناس ماعليهم منك مدري !!
بس انا اللي اعرفه انك خطير لو ان الشعر مهوب لاحد عن احد بس انت من كباره
بس ان السمعة احيانا تجي عكس نهج الشخص وعكس اللي يتمناه وانا ياسيف من اللي اخذوا عنك فكرة
غلط من ايام ( نبطي فصحى مانبي ) كان توقيعك يقول :
اللي براسه حب ماهوب مطحون .......... يقرب هنا واطحن له الحب كله
قلت الله يكفينا شره
ايه تذكرت
فيه بيت قديم لك ليتك تورده اذكره منه
لين (..) راس شاهٍ شاه مشعاب الخميني
نرجع للموضوع ( وش يفكني من خالد التميمي وعطر الخزامى )
الهجاء انا معك وضد اخونا حمادة الحلو انه غرض من اغراض الشعر
وأأكد على كلامك انه يجب عدم استخدامه في استباحة حرمات خلق الله
فبعض الناس يعتقد انه يصل لقمة الهجاء عندما يتعرض لوالدة او زوجة او اي حرمه من حرمات خصمة
وهذا عين الخطأ
فالهجاء غرض من اغراض الشعر وينطبق عليه ماينطبق على الشعر عامة
فحسنه حسن وقبيحه قبيح
فالغزل مثلا
قد تجد شاعر يتغزل بعذرية شفافة
وقد تجد شاعر يتغزل بمجون !!
فالمشكلة ليست في الغرض نفسه بقدر ماهي مشكلة فهم لدى بعض الشعراء
وهي ترجع بالدرجة الأولى الى شخصية الشاعر الاجتماعية
...................................
حسبنا الله عليك ياسيف طلعتنا من الموضوع
المهم الرجال ترى مهو بعيد وراعي محاورات بس على المخشوش
