[الجازي]

الرسالة الأصلية كتبت بواسطة النجدية

تدري يعني شلون أحبَّك .. ؟ !
يعني ها الطيبة بقلبك ..!
يعني أكثر من هيام ..
لابغيت أقول أحبَّك
يزحم شفاهي الكلام ..
.
.
إنت رحمة من سماي ..
انت نسمه في فضاي..
إنت أكثر من غرام ..
.
.
تدري يعني اشلون أحبَّك .. ؟!
يعني هالطيبة بقلبك !
.
.
لاتجادل في حنيني ..
آخر الخطوة ثبات
كل مامرّت سنيني ..
رجّعتّني الذكريات
.
.
هاك قلبي .. دامك انت اللي تمون
لو أخبّي .. تفضح الشوق العيون

ايه أحبَّك ..
واشبه الطيبة بقلبك .. واتذكّرك بجنون ..!!
.
.
يوم أحبَّك .. واتكلّم ..
تعشق الشمس النهار ..
ويالف الظل الجدار ..
ويوم أحبَّك .. وأتألّم
تمسح الدمعة جراح ..
وينقذ الشمعة صباح..
.
.
ويوم أحبّك .. يسألوني عن غرامي
لو أعلّم
ينبت افـ قلبي جناح ..!

.
.

تدري عاد اشلون أحبَّك ..؟!
يعني .. ها الطيبة افـ قلبك .. !
لذة الحبّ المباح ..
يعني أعظم من هيام .. يعني أكبر من كلام
وإنت أكثر من غرام ..

شفت عاد شلون احبَّك .. ؟!

هذا النص لم يكتب بقطرات الحبر ..
كُتب بزفرات و تناهيد ..
تابعنا أنفاسه حرف حرف .. سطر سطر ..

ويوم أحبّك .. يسألوني عن غرامي
لو أعلّم
ينبت افـ قلبي جناح ..!

قليل هي النصوص الإبداعية النابضة بالحياة ..
فكيف لنا أن نصف هذا القلب الطيب
الهارب والمجنون بالحب من داخل القفص الصدري .. ؟
أهو الحنين أو الفرح أو الشوق أو أو
قائمة أسئلة مفتوحة
تحملنا إلى حدائق اجابات مزهرة ..

سلم نبضك