بسم الله الرحمن الرحيم
كان آخر تواجد لي معكم 2007 م أتمنى أن تغفر هذه الأبيات مساحات الغياب لدى من افتقدني هنا
القصيدة لاتعبر سوى عن وجهة نظري التي لاتقبل التعميم
(( الشاعر آخر شخص ))
لاتسأليني من هو الشاعر أرجوك= الشاعر آخر شخص مُلفت ومحبوب
بابياتهم يابنت لو يوم غــرووك=أفعالهم ضــد الذي كان مكتوب
مايشبهون بصدقهم نية أبــوك =وعنهم ستار الخبث ماهو بمحجوب
لايرتفع منهم أحد حسبة اخـوك= يصير كاس الطيب بالقاع مصبوب
شيطانهم ثابت ولاهو بمتــروك = لو يعلن الإخلاص ماعمره يتوب
فكره تجاه الشر صافي ومحـبوك = معك وأحاسيسه مع غيرك تجوب
يفتح لك ألف حساب ويعبي البوك = وقبل الشرىرصيدك الزين مسحوب
دايم كلامك معه له وضـع مشكوك = يترجـمه بالعكس ويجيه مقلوب
هرج الغزل بلسانهم علك مـعلوك = معك مع غيرك على طول مسكوب
وإن قال لك يادرة القلب مبـروك = جمله مفاد احساسها هات مطلوب
نظم الورق مجرد شعور مهـتوك = جسد بلا أيا روح بـاهت ومنكوب
جميل قيس وعنتره باب مصـكوك= ماينفتح في عصـرخافي و مغضوب
هناك كان الحب ميعاد مسلـوك= له منهـج ومـيثاق ماهوب مسلوب
هنا مجال الـصدق فاني ومفـتوك = ماينـتج إلا حب فاشـل ومتعوب
نصيحتي ياالعزوة اللي تـعزووك = تخـيري غير الشـعاعير محبوب >>
شعر - نورالوليدي