[إبراهيم الوافي]

الأحبة ..جميعا هنا ...
أحبكم جدا .. وسأعود إليكم ..

(4 )

بانتظاركْ ..
صارت الساعة دقيقة ..
والدقيقة ..الف ساعة ..
كانت الظلمة افـ ـــقاعة ..
تلعن غبار الأثاث ..!
دقت الساعة ثلاثْ ..
قلت تصحى ..
تكتب ارقامي وتمحى ..!
واتصدّد ..!
صدقيني ..
يوم ..ماجيتي كأنّ الموت داهمني بلحظتها
وتردّد !!
كن حلمي فيك من يأسي ..تبدّد .!
***
في غيابك ..
كانت ( الرنة) الغريبة ..صوت بابك ..!
كنت متخيل .. عتابكْ ...!
أفتح كتاب الحقائق ..!
واجمع احساس الدقائق
واعتذر لك ..!

***


كنت مخطي .. !
دامك تغيبين .. لازم ..
كنت مخطي .. !
يمكن انك يوم ..
تعطيني وأنا ما كنت معطي ..!!
صدقيني ..
صعب اكون انتي .. أوَ اني يوم اشوفك في مكاني
انتي اكبر من زماني
صدقيني
صعب اصور لك شعوري .. وامتناني !!
غير هذا ...!
انتي اكثر من سواليف الغرام ..!
وانتي أكبر من تفاهات الخصام ...!
انتي احساسي بخطوات الثواني ..!

***

ياحريئة في غيابك ...!
يابريئة .. !
من عذابي ومن عذابك ..!
وينك انتي ..
الصباح اللي تحرانا ..على باب الحنين ..
يصدّ بنتي ..!
شافت الدمعة بعيني .. وتركتني ...
سآلتني .. واربكتني !
كنت اقول اني سهرت اكتب قصيدة ..!
بس ..
كيف اكتب مدام انك بعيدة ..؟!
يا عنيدة ..!
ذنبي اني في غيابك ..كنت ذنبي ..!
ذنبك انك تتبعين الظل جنبي ..!
اتبعيني ...!
صدقيني سيرة الظل المشتّت تفتريني ..!
اسمعيني ...
افتح كتاب الحقائق ونتخانق ...!
احتويك وتحتويني ..
ونتعانق ...
صدقيني
صدقيني
كل شي يهون لا جابك حنيني ...!

6/5/2006