[سلطان الحربي]

كان واقف .. !

كان واقف .. بينه وبيني مسافه
وكنت واقف .. بيني وبينه مسافه
كنت أشوفه مقبل .. وما كنت أخافه !

وليه أخافه ؟!

وأنا من صغري حبيّب .. كنت طيّب


(ياحبي لك ياطيب)


وجهه العابس يكدّر !


(وهل للحزن وجه جميل.......كدرت القلوب ياثامر)
وش يبي بي؟! ...
وش بلاه أقبل عليّ بكل شره
وش يبي بي ؟!...
وش بلا فرحي بعد ما كان أكبر مـ المجره / صار ما يسوى بقايا غبار جره
صار ذره !

أو .. تبدد !

كان يا ما كان فرحي ... صار جرحي !

وانا من خوفي أردد ...

وش يبي بي ؟ ... وش يبي بي؟

قرّب أزود

وقال أنا " حـــزنـــك " حبيبي !

(!!) طيب إبعد وش تبي بي؟

قال: أنا مالي وطن إلا عيونك ..!
وحالتي صعبة بدونك..!
لو تخلوا كل أصحابك ... فلا يمكن أخونك !

صرت أخافه
...... وصرت أخافه

وابتدت رحلة حزينة ... في ممرات المدينة
من معاناة وتعب ... هم وكسافة!

وآآآآه يا طول المسافه
وآآآآه يا بعد المسافه

وصارت القصة قديمة ... ابتدت من وقت ماضي
كنت أقاوم فـ البداية ... صرت راضي !



(والحزن مبكي هنا وله طعم العلقم ..........وصورة كئيبه)

طالت المدة وطوّل إنتظاري ... عفواً أقصد احتضاري !
وصرت أعد أيام عمري .. منتظر لحظة سكوتي
بس

هالمرة سكوت بنوع آخر ... أعني " موتي "


( الإبداع بنوع آخر ونكهة الألم)




والحزن لا زال صادق في وعوده ... كان أوفى من حبيبٍ خان في لحظة عهوده

للحزن فيني ملامح

الحزن .. ضحكة غريب !

الحزن .. شايب يعيّ لا يشيب !

كنت مثل الطفل ضايع في شعيب .. وكان حزني ذيب !


(ياذيب أنا بوصيك لاتأكل الذيب)

من زماااااان كنت طيّب .. وكنت من صغري حبيّب
كنت أظن العاقل اللي ما يأذي .. ما يجيه الحزن أو حتى يطوله
كانت أمي اللي تقوله .. وكنت أصدق!!
يا براءات الطفولة ..
يا براءات الطفولة ..

صرت أخافه
........و صرت أخافه

إن حضر أموووت منه !
وإن سلا عني بغيري ... أترقب رجعته وأموووت منه!

كان من قلبي قريّب
وكان لا مني بغيت أضحك ..
يشيّب بي .. وأشيّب

يا معاناتي الكثيرة ..
يا عباراتي الأخيرة ..
يا مألفني بصدر الهم .. سيرة !

يالحزن ..
ما عاد أبي قربك .. كفااايه
يا كثر ناسٍ بتوفي لك وفايه
يالطريق الي تعبت أمشيه .. تايه !!

وكل ما قلت النهاية ..
عدت تأليف الحكاية ... مـ البدايه

وكان واقف .. !!

كان واقف
بينه وبيني مسافه

وكنت واقف
بيني وبينه مسافه

بس هالمرّة أنا اللي جيت يمّه ..
شاعرٍ يكتب قصيدة تهنئة بـ ميلاد " همّه "






ميلاد همه.........ميلادهمه.........ميلادهمه





*
*
*
*


الأخ الغالي والطيب ثامر




اثمر الحزن هنا حروف ابداع تدمي القلوب وكان للألم معنى أكثر بؤسا



تميز بالعفوية الصادقة وجمالية متناهية




دمت للفرح



والبسمة



بعيدا عن الحزن





كن بخير دائما




لحظة!!!! ثامر خذ

]