:
من بداية رحلتي لك..
والصبح باهت!
والفرح..
في زوايا هالطريق..
خايف وساكت..!
ما درى باللي حصل!
والمسافة ضايقة..
والأحاسيس افـ ملل؟!
يمكن الشارع تعدّى
شوقي وشوقك سوا..
تعّبتهمـ هالسنين!
و ما بقى في الحب مبدا،
ينصف أعذار الهوى
قلت: لا.. لاتزعلين!
وانت عارف..,
إني أتجاهل خطاك!
حِفظتك كل المواقف
بس كان
في تعابيرك: .. "جمود"!
كنّ فعلاً ما نبض قلبي لقلبك!
ولا تِبع حبّك شرود؟!!
ماني بسأل عن غلاي
لي متى عيني تعاني؟
كنّك اتحبه شقاي!!
والجفا منّك كفاني
لا تبرّر ..
وفّر أعذارك لغيري
بس تأكّد
مابقى لطيفك مكان..
ضعفي ودّعته زمان
بعدي عنّك شي عادي,,
والمسا عندك رمادي!
و باقي ألواني
"رهان" !!
مثل ما جيتك بخوف..
و المسافة ضايقة,,
برجع وقلبي معاي..
والكلام ابلا حروف..
والمشاعر خانقة!
المشاعر خانقة!!
عذبة
مساء الخير والبوح الغير ...
نص مذهل موجع ...
وكاني مررت بذلك الشارع ..
عندما نتحدث بصدق يذهل حديثنا من يسمعه ..
لله درك ولنا دررك ..
لكِ كل الاعجاب واطيب التحايا .