(هقاوي الرجال )
يارجل دوجي وربك فوق ماغرّه
ورزقي على الواحد اللي عالمٍ غيبي
لك مرّةٍ ياهواجيسي .. ولي مرّة
ترى هقاوي الرجال تصيب وتخيبي
البحر ماعاد ابي لوله ولا درّه
وان عذربوني عساها آخر عذاريبي
ابطيت اداري زماني حلوه ومرّه
وابطى وهو بين ترغيبي وترهيبي
يكفيني اللي بي .. من أيامي المرّة
وشلي ووش للعنا .. يكفيني اللي بي
طيبي ليا صار عيبي .. فالله يبّره
ياحي والله طيبي .. لاغدا عيبي
وصديقي اللي طعنّي غدر وتشرّه
لومك على معدنه .. ماهو على طيبي
عيبٍ على لحيته .. لو ضحك بي مرّه
وان ضحك بي مرتين .. تفوووو على شيبي
........
القصيدة شيلة بصوت الرائع
الشاعر محمد عويضة