مساء الخير والمسرات على الجميع
حبيت إني أشارك بهذي القصيدة لتوثيق حبل المودة بيني وبين شعبيات
وأضعها هنا بين أياديكم وأتمنى أن تحوز على رضاكم
.
.
.
الكونغريس الأمريكي
نور البريق اللي جذبني من على وجنتها = والسلهمة بعيونها والدقة بنظرتها
خلتني أفقد من صوابي شي ماهو هين = لأنها على كل المبادي نادرة حالتها
تمشي وأنا في غير حسي أتجول وأمشي = وأشوف أنا روض الزهر ينبت مع مشيتها
كلمتها والعلم عندي بيّن بمضمونه = أبغى سماحة قلبها يعزمني بمهجتها
قالت فمان الله باكر نلتقي وأفكر = واليوم لي حول السنة وآنا أنتظر رجعتها
اللي ذبحني وصفها لا جيت أبا أوصفها = هي من بشر وألا البشر مخلوقة بهيئتها
جديلها لو فلته والشمس تشرق حية = خيم على نور النهار بفلته ظلمتها
وإن كان ليل بلا قمر أقبل علينا نوره = دريت أنا بإن السبب في اللي حصل طلتها
قضيتي لو تنعرض في الكونغريس الأمريكي = ثم يجتمع بوش الابن وبلير في حزتها
كان أعلنوا حال التأهب في جميع العالم = والكوندليزا بنت رايس تخضع لإمرتها
ما هي بلحية ثوّر الرشاش وألا البندق = وألا أركز الصاروخ في الساحة على وجهتها
لا والله إلا هوَن وهوَن عليها هوَن = دام إنها لا من بدت في حاجةٍ جابتها
الله يوريني بها يوم القضا المستعجل = وأشوفها تركض وراي وتشتعل لهفتها
وأنا أتغلى .. وأتثيقل .. وأبتسم .. وأطنش = مسوي إني بالثقل حايس أبو جدتها
مادامها تلت وريدي والعرب في غفلة = حق ٍ عليها تعترف وتصرح بغلطتها
وإن كان سوتها كذا والقصد حسن النية = فأنا ترى قلبي رحوم بيسمح لزلتها
بارسم طريقي من جديد وبابحث لمفتاحه = ثم لاوصلت لدربها بالعب على خطتها
خلوني أخسر ما كسبته في زماني كله = بس المهم إن فكرت ثم عاودت كرتها
تدرك يقين إن الندم ما زال عنده ذكرى = وإنها على حمر الشفايف بينت عضتها
وسلامتكم
محمد آل مستنير