04-02-2004, 18:29
|
#1 |
|
عضو شعبيات
|
من يعرف قصيدة العوني
من يعرف قصيدة العوني اللي يقول في احد ابياتها : وين الطنايا وين شرابة الهيل0000 وين الجموع منزحة كل عايل القصيدة كانت موجودة لدي في شريط كاسيت وكعادة بعض الناس اخذ الشريط احد الاصدقاء وضيعه |
|
|
|
06-02-2004, 05:37
|
#2 |
|
عضو شعبيات
|
هـلأ ومرحبا اخي الغالي فيصل 1 والقصيده كني والله سامعها بس انشالله راح ادورها لك والاخوان انشالله مايقصرون وتقبل تحياتي الخويطري |
|
|
|
|
07-02-2004, 16:38
|
#3 |
|
الـحـــرّاب
|
اخوي هاذي القصيده منقوله من ديوان العوني لعبدالله الخالد الحاتم.. و نقلت الابيا كما هي في الديوان و كما يشير الكاتب ان القصيده قيلت في وقعة ياطب.. [poet font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""] عزي لقلبٍ كل ما هود الليل = عليه صارن الدقايق جلايل و اعتاض عن طيب الكرى بالتعاليل = بافكار و اذكار قيلٍ و قايل و العين كن بحجرها يدرج السيل = عيت تطيق النوم من فور جايل على بني عمي اسنادي عن الميل = نطاحة الكايد اكبار الوهايل اقفوا كما مزنٍ ثقيل المخابيل = من واهج الغربي حدر له شعايل شمّر مقابيس المنايا هل الخيل = عصمان اريا مقحمين الدبايل يا دار وين هل الامهار المشاويل = وين النزول اللي تقزي النزايل بكيتهم يوم ارتدم فوقي الشيل = و نخيتهم يوم اقبل الضد صايل صاح الصياح و طوحن الهلاهيل = و هلت دموع معكرشات الجدايل قلت ابشرن ما دام بالعمر تمهيل = ما دام عين الله علينا تخايل و ظهرت انا باسم العصاة المشاكيل = لوهم قليلٍ يدركون الجمايل هم حاصلي لى كملن المحاصيل = غوش الجبل خزني غلامين حايل باعوا عزيز العمر دون المظاليل = حموا حماهم مقدمين الفعايل قالوا عليه و قلت زجى هل الخيل = و قهرتهم غصبٍ و ردوا غلايل و دنيت هجنٍ يقربن المحاويل = هجاهيج هوجٍ هجاجٍ نحايل علاكم تطرب اقلوب المراسيل = خفقات طفقاتٍ صلابٍ جلايل قلايصٍ عوصٍ صعاصع شماليل = من سلسلة نسل السباق السلايل صبحٍ مدن كنهن جولة الريل = عوصٍ علت عليه ارجال صمايل و الرابعه تلفي نزولٍ كما الليل = شمر الى عدت فروع القبايل ادنا بالادنا خبروهم بتفصيل = لا تسفهون اصغارهم و الحمايل لازم الى شافوا اركابٍ مقابيل = نلزمهم النشدات عن سكن حايل قولوا لهم يا مقبلينٍ على حيل = نجدٍ و اهلها يطلبون الاوايل جونا هل العارض بقومٍ كما السيل = دريوا بنا قلٍ و ذل و فسايل و جرى لنا يومٍ بياطب بها الشيل = يطيح ما شلنا على ظهور الرجايل و ضفنا على عكاش مثل الهماليل = و ردت صبيان الجبل دون حايل و ان كانهم قفوا بستة مخاليل = يا طول ما حنا لهم بالاوايل وين الطنايا وين شرابة الهيل = وين الحيود اللي تشيل الثقايل وين الشيوف اللي تعدل لي الميل = وين الرماح اللي نحت كل عايل نشرب بهم صافي القراح الشهاليل = و ننزل بهم غصبٍ على كل طايل باسم النشامى و العصاة المشاكيل = و اجموع باطرافه تضيع الدلايل غلبا ترى بلدانكم لبست النيل = تنخى الرجال و مكرمين الاصايل قلته و انا منكم على العدل و الميل = لعل يا نعتاض فيكم بدايل تمت و صلوا عد وبل المخاييل = على نبي الحق ما زال زايل [/poet] |
|
|
|
|
08-02-2004, 04:17
|
#4 |
|
عضو شعبيات
|
اشكر الاخ محمد على ما قام به من جهد واسأل هل ديوان العوني الذي ذكرته هو ديوان مطبوع ويباع بالاسواق ام انه مجموعة قصائد قام عبدالله الحاتم بكتابتها ؟ وانا متأكد ان كان هناك ديوان مطبوع للعوني فإنه سيكون ناقصا لان اغلب شعر العوني في الحماسة والتحريض . وقد قرأت بأنه تم طبع الكتاب الذي الفه فهد المارك عن حياة العوني وعنوان الكتاب ( تاريخ جيل في حياة رجل ) وبحثت عن هذا الكتاب في مكتبات الرياض ولم اجده فارجو ممن لديه اي معلومة عن هذا الكتاب ان يخبرنا عنها . |
|
|
|
|
09-02-2004, 02:20
|
#5 |
|
شــاعــر
|
اول شي الحمد لله انك حصلت اللي تبحث عنه يافيصل واشكر اخوي محمد الحراب على هالمجهود والله لايحرمنا من معلوماته الثريه تحياتي جميعا |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
