20-10-2010, 10:47 | #1 |
متنبي الشعر الشعبي
|
((( الواوه )))
صلوا عـ النبي من امسية النادي الأهلي بجده ابتدي .. بمنزّل القرآن بأمر تلاوه والصلاة على احمد المبعوث بالقرآني مرحبا .. ياحي من ذي قبلته وقفاوه عدّ نوِّ يروي بعذبه .. ظما الودياني مرحبا يانوووم عيني .. في محل حفاوه وانتم اهل الطيب وفعول الرجال تباني ياسمي .. سمي ياسمي .. مآآآآآجور .. وينوب السميّ سمــــاوه وانت والله في مكانة واحد من اخواني عوذ من الشيطان .. لا اغواك الطريق فغاوه قل اهدا .. وتعوّذ الله من خزى الشيطاني وبشّروا .. ساعي البريد بترقيه وعلاوه خلّ من قال : انت وش شايف !! بيتحداني! ويش شايف؟؟ غير عظم تعرشته قطاوة !! خابره محزم فشل!! خافيه مايخفاني يانما .. نما .. ماني ببنقالي ولا ني جاوه وهزّتي .. ماهيب هزّة راس باكستاني والبعير اللي فتق نابه .. وكثر رغاوة أمّه ام خزّيم الفضّه ..وبنت عماني هيه ياعين الدحيمي ماعليش غشاوة لانظرتي من ذراها .. شهّري بالجاني وخايلي بالجادل اللي لامشت بهداوة اتشّهد !.. وأطلب الله بالستر ياقاني رحت ابا اخذ بروتي منها وجيت براوه آآآه ياكم جابني وجدي .. وكم ودّاني قلت : ياجرّاح قلبي داو قلبي داوه حدّني شوقي عليش وجيت لأجلش عاني فدوتش قلبي وكلّي والسنين فداوه لاتزيديني دخيلش حزن فوق احزاني لا اقبلت قمت اتذاكاها .. بكل غباوة ولا ادبرت عني .. اشوف الموت يتناخااني لسانها يذبحني براءه .. ولثغة واوه آآآه يالبيه لا قالت لي : ( إش دررررّاني !!) خبري بها يوم جتك تقول (شيل الواوه ) عقبها .. عوووووذه .. وش اللي شالني ووطّاني !! باخصٍ عمري مع الخفرات وام غطاوه اغدي خبل ٍ وأضيع الأول من الثاني نعنبيها .. كيف جابت شدّتي برخاوة ماغير الاحقها وأغني .. ياالله لا تبلاني ان قالت آآآآه فـ آآآآآه .. وليا قالت آآآآوه .. آآآآوه يابري حالي ..وياهشمي .. ودانه داني كبدة الحاشي .. شف كبدة الحاشي .. تزيد مع الطبيخ قساوة !! وان كان مدّ الله بعمري ياولد .. وأحياني لأتنقى من مطاليق الرجال نقاوة واتغانمها .. وتالي عمري الأكفاني نام راعي القرص.. والقرص احرقته الطاوه يامناني رابعه .. مافيش غير آآماني قال الأول : يااللبيب إن كبر ورعك .. خاوه وولدي ... اطيب خوّيٍّ هالسنه خاواني ميير يامال الشّحم .. ياكيلوووو البقلااااوه ذي مساريحي .. وهذيك الديار اوطاني يعرررربي .. لاني ببنقالي ولاني جاوه وهزّتي .. ماهيب هزّة راس باكستاني |
20-10-2010, 11:26 | #2 |
شاعـر
|
رد : ((( الواوه )))
والبعير اللي فتق نابه .. وكثر رغاوة أمّه ام خزّيم الفضّه ..وبنت عماني الله على هذا الابداع الغير مستغرب من شاعرنا الكبير / محمد الدحيمي شكرا لك شاعرنا من الاعماق وتشرفت كوني أول من علق على هذه المعلقة الفريدة |
20-10-2010, 13:22 | #3 |
الدانه بنت عبدالله
|
رد : ((( الواوه )))
. , الى ان تذهب دهشتي حتما سأعود يامحمد.....(؛ |
20-10-2010, 13:30 | #4 |
مشرف الرحلات البرية والسياحة
|
رد : ((( الواوه )))
ابتدي .. بمنزّل القرآن بأمر تلاوه والصلاة على احمد المبعوث بالقرآني اللهم صلي على محمد رحت ابا اخذ بروتي منها وجيت براوه آآآه ياكم جابني وجدي .. وكم ودّاني اي والله الجيه المباركه لا اقبلت قمت اتذاكاها .. بكل غباوة ولا ادبرت عني .. اشوف الموت يتناخااني الله الله يابو بدر خبري بها يوم جتك تقول (شيل الواوه ) عقبها .. عوووووذه .. وش اللي شالني ووطّاني !! باخصٍ عمري مع الخفرات وام غطاوه اغدي خبل ٍ وأضيع الأول من الثاني قلبك خضر ماتنلام كبدة الحاشي .. شف كبدة الحاشي .. تزيد مع الطبيخ قساوة !! وان كان مدّ الله بعمري ياولد .. وأحياني مامثل نص استواء قال الأول : يااللبيب إن كبر ورعك .. خاوه وولدي ... اطيب خوّيٍّ هالسنه خاواني والله والنعم يعرررربي .. وماننحرم يارب من هالحضور المميز والمبهر لاني ببنقالي ولاني جاوه وهزّتي .. ماهيب هزّة راس باكستاني كفو ياابو بدر كفو وحضور مميز وجزل كما تعودنا من مبدعنا وشاعرنا محمد الدحيمي وصح لسانك وكلك يابو بدر اخر تعديل كان بواسطة » مقدور في يوم » 20-10-2010 عند الساعة » 13:41. |
20-10-2010, 13:59 | #5 |
شـاعر
|
رد : ((( الواوه )))
مرحبا .. يااليعربي سامعها مبطي .. وكانها اول مرره تمر علي ابدااااع لا يتوقف حب لي خشم الشايب |
20-10-2010, 14:24 | #6 |
شـاعر
|
رد : ((( الواوه )))
يعرررربي .. لاني ببنقالي ولاني جاوه وهزّتي .. ماهيب هزّة راس باكستاني ونعم يالدحيمي ,, صح لسانك جزل كالعــاده تقبل مروري |
20-10-2010, 15:27 | #7 |
شـــاعــر
|
رد : ((( الواوه )))
صح لسانك ياغالي سمعناها منك سابقا ونعود هنا لتأكيد طربنا بها دمت بخير |
20-10-2010, 15:30 | #8 | |
شاعر
|
رد : ((( الواوه )))
إقتباس:
برفسور شعر والله يابو خالد كل بيت قصيدة ونحن نتنفسك شعر وترتقي بذائقتنا حد الغمام يالعربي صح الله لسانك . |
|
20-10-2010, 15:37 | #9 |
الضغط العالي
|
رد : ((( الواوه )))
صح لسانك يابو بدر انت دايم جزل ومبدع تقبل تحياتي واعجابي |
20-10-2010, 15:43 | #10 |
|
رد : ((( الواوه )))
حجز رد .. |
20-10-2010, 17:32 | #11 |
شــاعر
|
رد : ((( الواوه )))
لك الله كم احبك نت شنشنتك انا هنا لشي هو الاهم عندي ابشربالفزعه((( والجماله لك كان اني معهم ))) طويت الارض طوي يالدحيمي |
20-10-2010, 20:11 | #12 |
شــاعر
|
رد : ((( الواوه )))
ابو بدر لا فض فوك وصح لسانك وبيض الله وجهك محمد الدحيمي علم من اعلام الشعر على مستوى الخليج دمت لمحبيك ومتابعيك يا ابا بدر |
21-10-2010, 16:27 | #13 |
عضو شعبيات
|
رد : ((( الواوه )))
محمد كل مااقرى لك نص اقول هالآدمي مجرم شعر من العيار الثقيل لله درك من شاعر يغلف القصيدة تغليف باقة ورد ملغمة بالمتفجرات |
21-10-2010, 17:11 | #14 |
شــــاعر
|
رد : ((( الواوه )))
قال الأول : يااللبيب إن كبر ورعك .. خاوه وولدي ... اطيب خوّيٍّ هالسنه خاواني ميير يامال الشّحم .. ياكيلوووو البقلااااوه ذي مساريحي .. وهذيك الديار اوطاني الله يابو بدر مدرسة شعرية بل جامعة شعرية مستقلة بذاتها سأعود هنا حتما .. كل ما شعرت بالرغبة الجامحة إلى الشعر .. دمت علما من أعلام الشعر الحقيقي ,, |
21-10-2010, 18:26 | #15 |
أبو تركي / شاعـر
|
رد : ((( الواوه )))
ابو بدر ولا غرابه سحابة وسم سلمت للجميع |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|