27-08-2011, 04:33 | #1 |
عضو شعبيات
|
ارحم شعوري كان ماعندك أشعور
بسم الله الرحمن الرحيم هذي ثاني مشاركه لي معكم بعد أنقطاع طويل أتمنى أن تحوز على رضاكم
أرحم شعوري كان ماعندك أشعور=مثلي عطاك القلب وأظمأ وجودك خليتني فالليل ماشي بلانور=حاير وراجي في زماني عهودك القلب شوفه بين الإضلاع مقهور=من جود هجرك ليت ماهو بجودك تركتني ظامي ولاني بمسرور=وانا طلبتك وصل ماأريد زودك منته بخايف باكراً يأتي الدور=ويصد عنك اللي وقد من وقودك قلباً تعنى من مواقيف وأحرور=وأنته بكثر الصد جيت أبجهودك يامبسماً يخلط به اللول منثور=ياجعلني ماأفقد خطاك وركودك صحيح تبعد لكن الحب محفور=في خافقاً يغلي بساعة برودك لاشفت زولك غرد القلب عصفور=والغصن في صدرك على أعلى نهودك فديت زولك منت فالبعد مجبور=وش تستفيد أن لوعتني صدودك؟ ((والله لوحبي بصدرك له أكسور=أن تجلي الدمعه حمارة خدودك)) أخوكم هياف حزمي السبيعي |
29-08-2011, 01:31 | #2 |
شــاعر
|
رد : ارحم شعوري كان ماعندك أشعور
ياسلام ياهياف صح قلبك |
29-08-2011, 17:18 | #3 |
شـــاعــر
|
رد : ارحم شعوري كان ماعندك أشعور
صح لسانك يا هياف |
24-09-2011, 23:58 | #4 |
عضو شعبيات
|
رد : ارحم شعوري كان ماعندك أشعور
صح ابدانكم والله لايهينكم تحياتي لكم |
25-09-2011, 17:55 | #5 |
مشرف الرحلات البرية والسياحة
|
رد : ارحم شعوري كان ماعندك أشعور
ياسلام عليك ياهياف وصح لسانك على هالابيات الجميله |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|