[فـــارس]

اتشرف بتقديم هذه المتواضعة بين ايدي شعبيات هذ المنتدى الشامخ ,,,,

فأرجوا أن تنال الشيء اليسير من استحسانكم .......

النص :

النظرة اللي صمتها داخلـي بـوح عشق العيون وبوحها فـي هدبهـا

صوتٍ حزين وتالي الوقت مبحوح ياكم جريح ً بالهـواء مـن سببهـا

يابدر لاتبقى لـك ايـام وتـروح نورك محا صلف السنيـن وتعبهـا

خلك عسا قلب من الحب مجـروح تبرا جروحه من فراقـك عجبهـا

والخاطر الضايق ليا جيت مشروح مثل السحاب اللي على قمـة ابهـا

يالغيمه الغراء عساء برقك يلـوح يادانـة سنيـن الغـرام وذهبـهـا

ممدوح خلق وصف يالزين ممدوح كل يشوف الزيـن كامـل بادبهـا

ياريم لاتجفل ترى الحب مفضـوح ياريـم ياريـم القلـوب وطربهـا

كن الحمام اللي يغني علـى الـدوح يشكي غـرام قلوبنـا مـن عتبهـا

ترى الخطاء بين المحبين مدمـوح هذي سلوم اهـل الغـرام وطلبهـا

عد(ن) وميراده من الروح لـروح عد(ن) رهاوي منوة اللـي شربهـا

وش يجبر الخاطر على البعد والنوح وده يرد ادموعهـا مـا غصبهـا

لكن تفيض ودمعها اليوم مسمـوح على الورق هل الدمـوع وكتبهـا