28-10-2001, 23:19 | #1 |
رحمة الله عليه
|
الزيـــــــــزفونـــــة اهداء لـــ( )
بسم الله الرحمن الحيم اخواني واخواتي الاعزاء المشرفين والاعضاء بدون استثناء اهديكم هذي القصيدة المتواضعة بمناسبة انتسابنا الى هذا الصرح الشعبي وآمل قبولها بنفس طيبة خاصة لمن في خاطره شي من الامور والتي ارجوا ان نبتدي هنا كاخوه واخوات بصدق ونقاء فهل اجدكم كما عهدتكم امل ذلك (( الزيزفونة)) كان اول الليل عبرة واخره ماطر ///////////// وكل السوالف سرت للنجم مبلولة ياليلة الضيق سيفك بالحشى باتر /////////// ياليلة المبخرة والريح والـتولة ياكبر سرك من المغمور للغامر ///////// اثقلت به كاهلي مره ومعســــولة (الزيزفونة) حكت لي وانجلى الساتر ////////يازين هرج(ن) تــقولة بــس ماقـولة انا ادري انها بكت حالي وانااكابر ////////// سـمعتها يوم هـــل الجرح هملولة كانت تقول انتهض من حــيلك الفاتر /////// ترى الليالي على الشــــدات محمولة تقول: وش فيك 00 هذا العبد للقادر /////// واقول ياطــــــول ضيق النفس ياطولة مايستوي المهتني بالوقت والصابر ///////// وياشين صبر(ن) يزيد الحمل محصولة الله يســـقي زماني يوم انا خابر //////// ماكان به هـــــم لاوالله ولاحولة وسلامتـــــــــــــــــــــــكم جميع اخوكم / عبدالهادي الخليوي (ناوي) |
28-10-2001, 23:35 | #2 |
عضو شعبيات
|
ياليلة الضيق سيفك بالحشى باتر /////////// ياليلة المبخرة والريح والـتولة انا ادري انها بكت حالي وانااكابر ////////// سـمعتها يوم هـــل الجرح هملولة تقول: وش فيك 00 هذا العبد للقادر /////// واقول ياطــــــول ضيق النفس ياطولة مايستوي المهتني بالوقت والصابر ///////// وياشين صبر(ن) يزيد الحمل محصولة الكلام المتميز السهل الممتنع صورمتميزه خيال متوقد كل ماسبق انت هنا تعطي فيه دروس .. اخوك ابو محمد |
28-10-2001, 23:43 | #3 |
موقوف
|
رغم كل ما حصل فالحياة اصغر من ان تحتمل لحظة زعل او حقد اخوي ناوي او عبدالهادي الخليوي من وجهة نظر شخصيه هذه اقوى قصيده اقراها لك منذ دخلت للمنتدى وحتى الان قصيده رائعه بكل ما تحمله هذه الكلمه من معنى حضور جديد بطلعه كبيره بقصيده اكبر اهنيك على ها القصيده واللتي يفتخر بها اي شاعر وتقبل تحياتي |
29-10-2001, 00:16 | #4 |
رحمة الله عليه
|
اخوي : ابوفهد ......صح لسانك يابعدي وبيض الله وجهك وعادتك سبّاق الى لم الشمل واجتماع الأحباب وصفاء القلوب والتسامح ...فلنمديدنا مع اخوي ابوفهد للمحبه والتسامح ... شكراً لك يابوفهد على هالرائعه والله يبيض وجهك واسمح لي بهالبيتين واعذرني لايصلن لمستوى قصيدتك ....من على الكيبورد.. يازيزفونه رسمها المبدع الماهر ############ ياحي من حي من جانا بمرسوله ياللي شكا للزمن من حظه العاثر ############بالصبر ياصاحبي كل شي ٍ تنوله والعذر والسموحه يابوفهد ... وتسلم لنا يالغالي ..... |
29-10-2001, 00:26 | #5 |
رحمة الله عليه
|
اخوي / ابو محمد صح بدنك ومشكور يالغالي على الاطراء واما من ناحية اعطاء الدروس فهذي يابومحمد مجاملة اشكرك عليها لاني ياخي لازلت طالبا في مدارس الشعر ولازلت ابحث واستفيد من جميع الشعراء بكل صدق الله يسعدك يابومحمد ويعطيك الف عافية على حضورك اللي يسر الخاطر اخوك / عبدالهادي الخليوي (ناوي) |
29-10-2001, 00:34 | #6 |
عضو شعبيات
|
كلنا من المفروض نكون اخوان بشعبيات لأن انظم لنا ناس جدد والمفروض نعطي صوره حسنه عن المنتدى وندخل بنفوس جديده وبالنسبه للقصيده ماهو غريب الإبداع على ناوي لأنه من اول قصيده قريتها لك وانت شاعر متمكن صح لسانك وبيض الله وجهك تحياتي لك.. [ أكتوبر 30, 2001: تم تعديل الموضوع بواسطة : البندري 2000 ] |
29-10-2001, 00:42 | #7 |
رحمة الله عليه
|
اخي / سلطان القحطاني ( هاوي قصيد) انا يسعدني لا والله اني افخر ان تكون خصما لي تدري ليه لانك رجل كفو من رجال علمهم طايل وشبرهم وافي اثبت ياسلطان قوتك والسجايا المتاصلة في عروقك ولا بيني وبينك طال عمرك الا كل طيب والرجال يختلفون ويجي بينهم اكبر من الامور هذي ويرجعون لبعضهم لان الرجل اللي يستاهل اذا ارضيته ماهو بعيب واشهد لله انك خذيت الطيب وتستاهلة اخوك / عبدالهادي الخليوي (ناوي) [ أكتوبر 29, 2001: تم تعديل الموضوع بواسطة : عبدالهادي الخليوي ] |
29-10-2001, 00:50 | #8 |
موقوف
|
والله يا خوك انك اخجلتني بكل كلمه قلتها وان شاء الله اني اكون كفو للكلام اللي قلته وما عليك زود يا وجه المحلف وتقبل تحيات اخوك |
29-10-2001, 02:29 | #9 |
عضو شعبيات
|
اخوي عبد الهادي تبقى شاعرنا الاول لو اختلفت الا سماء وتغيرت الاماكن صح لسانك وتقبل تحياتي |
29-10-2001, 05:20 | #10 |
عضو شعبيات
|
اخي عبدالهادي مساء المبخره والريح والتوله ياليلة الضيق سيفك بالحشى باتر /////////// ياليلة المبخرة والريح والـتولة ياكبر سرك من المغمور للغامر ///////// اثقلت به كاهلي مره ومعســــولة (الزيزفونة) حكت لي وانجلى الساتر ////////يازين هرج(ن) تــقولة بــس ماقـولة صح لسانك الف مره وتقبل تحياتي اختك هاويه |
29-10-2001, 05:49 | #11 |
شــاعر
|
اخوي عبدالهادي: هلا والله بك وبالشعر الجزل..... رائـــــــــــــــعه يسطرها عبدالهادي لمتذوقين الشعر...لقد اجت القول...عذبة كالمطر...سلسه المفردات...جميلة المعاني...لا نملك لا ان نقول صح لسانك ولا عدمناك...ونتطلع الى المزيد من راوئعك. تقبل تحيات اخوك البدوي |
29-10-2001, 08:06 | #12 |
عضو شعبيات
|
اخوي عبد الهادي نشكرك على هذه الاطلاله الرائعه ننتضر جديدك على احر من الجمر صح لسانك ولا هنت |
29-10-2001, 09:58 | #13 |
رحمة الله عليه
|
اخوي الغالي / راعي العـــــــــــنود صح بدنك والطييب طال عمرك بوجودك وان شاء الله حنا اخوان ولابيننا الا المودة والاختلاف وارد بين الاشقاء ومادام النفوس والنوايا نظيفة فما فية داعي للقلق ***********////////////******** اما البيتينيابوصالح اشهد لله انها ابداع ماشاء الله عليك وعلى الكيبورد بعد وانا جالس سنه اعدل وابدل وجيت انت بالبيتين وتفوقت صح لسانك والله يزيدك اخوك/ عبدالهادي الخليوي |
29-10-2001, 10:12 | #14 |
رحمة الله عليه
|
اختي الشاعره الكبيرة / البندري زاد النور بوجودك وكلامك عين العقل فعلا هذا المفروض يصير تسلمين واطرائك وسام يالبندري واعتز به من اخت غالية ومبدعة بس فية حاجة اختي البندري عبدالرحمن اللي كاتبته فوق تقصدين عبدالهادي ولا انا غلطان ومشكوره على الحضور يالغالية اخوك/ عبدالهادي الخليوي |
29-10-2001, 10:19 | #15 |
رحمة الله عليه
|
ارررررحب يالعتيبي هلاوغلا بخوي الغالي / محمد (شبيه الريح) وجودك كافي ووافي والله يالعتيبي ولاعليك زود وكلامك اعتز به وعساك سالم وغانم اخوك / عبدالهادي (ناوي) |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|