29-12-2003, 16:32 | #1 |
شـــاعــر
|
رقيت في عالي الطويلة من الهم (ناصر السعيد)
[poet font="Simplified Arabic,4,black,normal,normal" bkcolor="burlywood" bkimage="" border="double,4,sienna" type=0 line=200% align=center use=ex length=0 char="" num="0,black" filter=""] رقيت في عالي الطويلة من الهم = والقلب يصفق ضافي الهم جاله والجرح له في بسرة القلب ماسم = واللي جروحه كايدة عزتاله أبكي ودمعي فوق خدي ترزم =وأجذب ونين القلب لامن طراله على زمانٍ صار نوره مظلم = والله كريم يرحم اللي شكاله دنيا عسى الله يفرج الضيق والغم = كم واحد تقطع رهايا حباله تضحك وتبني ثم تخدع وتهدم = ماحدٍ زمانه يا محمد صفاله كم من غرير غرته ما تعلم = يالله دخيلك من دروب الجهاله من لا يحط النفس في عالي الشم = يصبح بفيٍ ما يطاول ضلاله ومن راح عمره بالنذاله تندم = يلقى حسابه عند ربه قباله ياما رفيت النفس عن هرجة الذم = وأكبح هوى قلبي ولا أبغا شكاله عيني تشوف الناس كلٍ على يم = والكل منهم جايز له مجاله عز الرفيق اللي إلى مر سلم = يجوز لي طبعه خفيف ضلاله ما يعرف الغيبه ولا يعرف النم = صاف الضمير ويفرح القلب فاله من لابة بالجود سيف مصرم = ومن لا جذبه العم لابد خاله بعض العرب للروح نور وبلسم = مثل السحاب اللي صدوق خياله يشرون بالغالي ويفدون بالدم = ومن يبذر المعروف يلقى بداله يا ما حلا المجمار والبرد ينسم = والبرد ينسم من هبايب شماله وجمعا ربوع بالمراجل ترسم = ودلال رسلان تلضى بجاله ويدار فنجالٍ من البن محكم = برية محبوكة بالعماله واللي حمسها موسع الصدر مغرم = مغرم بفن الكيف قايس دلاله ما هوب مطفوقٍ ولا يلحقه ذم = لاشك زاد بجود جوده جزاله ايضا إلى من الحيا بارضنا عم = تنبت ربيع زاهي في جماله بين الزهور وعشب نجد يتبسم = فيها الغريب يعيش لحظة خياله ناصر بن عبد الله السعيد [/poet] |
29-12-2003, 18:41 | #2 |
الـحـــرّاب
|
اخوي الغالي راعي الاوله قصييييييييييييييده من العيار الثقيل تسلم على النقل و صح لسانك و لسان الشاعر........ لك الود.. |
30-12-2003, 12:48 | #3 |
شـــاعــر
|
محمد الحراب ،، الشكر لك استاذي على تواصلك الكريم ،،، تقبل تحياتي.. |
30-12-2003, 15:24 | #4 |
شــاعـر
|
صح لسان القايل وسلم كف الناقل يامال العافيه أيو الله |
30-12-2003, 17:24 | #5 |
شـــاعــر
|
خالد الذيابى مشكور يالغالي على مرورك وتواصلك وسلمت من كل شر ،، تقبل تحياتي.. |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|