[فيصل1]

هذي قصيدة لها حوالي 10 سنوات للشاعر الكبير احمد الناصر الشايع يرثي فيها ابنه فهد ويذكر فيها وفاة الامير محمد بن عبدالعزيز .
القصيدة قرأتها في مجلة اليمامة ولم احفظ منها الا هذا البيت :
عن روحتي يا ليت ربي نهاني0000ولا شفت دمه سايحٍ في هدومه
ووجدتها هذه الايام منشورة في منتدى الشعراء

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
نهار ثالث عقـب عيـد رمضانـي = ناس(ن) عطاها الله وناس محرومه


احد(ن) قضا عيده سـلام وتهانـي = واحد(ن) توصله الكواكب همومـه


صادفت صدفه من صدوف الزماني = منها قوي الحيـل تفتـر عزومـه


هـذا زمـان الهـم والامتحـانـي = وقت(ن) على قلبي تعاقب سهومـه


الاولـه كامـل جميـع المعـانـي = مزبن المضيوم شـرع الخصومـه


محمد اللـي فـي القسـا واليانـي = عقبه سمايـا غايبـات(ن) نجومـه


والثانيـه باقـرب قريب(ن)ودانـي = خامس عيالي يوم جتنـي علومـه


قالوا مابيـن الخاصـره واحلبانـي = ولدك مـات اللـي ترجـا قدومـه


جا يومه الموعـود باربـع ثوانـي = قلت السبب قالوا دنـا منـه يومـه


علم(ن) على الكبدالصخيفه كوانـي = كيت عطـب ماتنشكـي للحكومـه


تهشمت كـل الضلـوع المحانـي = مفجوع والمفجوع محد(ن) يلومـه


اخذت لي ساعه وانا فـي مكانـي = حسبت لى عشرين طيحه وقومـه


الى بغيت الهـرج يبـس لسانـي = والذاكره عنـدي تقـول أمعدومـه


قمـت اتلفـت واتسمـع بـأذانـي = من شـاف حالـي ماتهنـا بنومـه


مما بقلبـي رحـت بالليـل عانـي = للموتر اللـي مابقـى الا رسومـه


عن روحتي ياليـت ربـي نهانـي = ولاشفت دمه سايحن فـي هدومـه


قمـت ودفنتـه والله المستعـانـي = في خرقت(ن) بيضاء عليه محزومه


يـم القويعيـه بـلاد اقحطـانـي = والحر غير لون وجهـي سمومـه


واقفيت من عنده وعشـري ثمانـي = مثل المصبـح والبـلاد امحكومـه


طاوعت نفسي مير عقلـي قوانـي = عن الخطاء مافيه نفس امعصومـه
[/poet]

[سعود الخويطري]

الله الله


مرثيه رائعه وجزله بدون أدنـى شك


وأحمد الناصر الشايع شاعر كبير جدا ولأيختلف على شاعريته أثنان وله صولات وجولات سواء بالنظم او المحاوره

والله يرحم أبنه : فـهـد " الامير : محمد بن عبدالعزيز


شكرا لك مليون والله لأيحرمنا من تواجدك الجزل في الخيمه الشعبيه

وتقبل تحياتي

الخويطري

الغالي فيصل

هلابك يا فيصل وتشكر على النقل الجميل

الشاعر احمد الناصر شاعر علم بلا شك وله مكانته الجماهيريه

رحم الله ابنه واسكنه فسيح جناته والف شكر يا فيصل لك

دمت بخير وصحه يا غالي

تحياتي

[خالد الشايع]

قصيده رااائعه بحق

والشاعر الكبير احمد الناصر شاعر من العيار الثقيل

رحم الله الفقيدين
وصح لساااان شاعرنا


وتسلم يافيصل على هالنقل والله لايحرمنا من تواجدك


تحياتي

[محمد العريني]

اخوي فيصل..



لاهنت..



فعلا قصيده تهز مضاجع القلب..




رحم الله متى المسلمين جميعا..

[نبرة حزن]

الله يرحمه

ويرحم جميع المسلمين

هم السابقون ونحن اللحقون

ومرثيه اكثر من رائعه

الله يعطيك العافيه

اخوي فيصل

وسلمت يمناك

اختك