08-09-2003, 21:59 | #1 |
شــاعــر
|
شايع الامسح وربعه
شايع الامسح بن رمال كان مشهور بالكرم المفرط على الرغم من ضيق الحال والجوع هكا الوقت الوكاد ان جماعته ضاقوا منه ونصحوه انه يكرم بس بعقل والظاهر انه ما اعجبه كلامهم وزاد كرم المهم ان جماعته قالوا ياشايع الارض اجدبت ونبي نرحل عن ديارنا شايع عيا يرحل لان الناس كلهم يعرفون محله ويخاف يمر طرقي ولا يلقاه جلس شايع هو وحريمه ,وجماعته رحلوا ويوم اخذوا لهم وقت رجع ناسٍ منهم يبي يشوفون وش صار على شايع هو تاب والا الى هالحين وجوا على رحايلهم وربطوهن بعيد عن البيت وجوا رجليهم يشكون الحال لشايع وكانت الدنيا ليل والربع متخفين ولا عرفهم شايع قالوا حنا انقطعت بنا الدروب ولاعندنا شي ناكله وهلكنا من المشي وماكان عند شايع اللي يقدمه لهم ودخل شايع عند حريمه وكان له حرمتين وقال ان كانوا الضيوف صادزين مالي الا اذبح وحدة منكن وقدمه للضيوف بس وشلون اعرف صدقهم قالت وحده من الحريم شب لك نار قويه وراع لثيابهم ان كانت متقرفطه(متعفطه) فان الربع جايين على ركايب (لان الراكب طيبيعي ان ثوبه يبي يتعفط) وان كانت لاوالله مهي متعفطه فربعك صادزين وبالفعل شب له نارٍ عاليه وراعى لثياب ضيوفه لقاه متعفطه ودرى انهم جايين على ركايب وتتبع اثرهم ولقى بعارينهم وذبحهن كلهن وطبخن لهم, ويوم قلط الربع دروا ان شايع كشفهم وقالوا لجماعتهم ترحلون والا ماترحلون الرجال مافيه رجاء <<<<-----طبعا هذي بهارات من عندي وهذي قصه بدون قصيده عشان اثبتلكم ان المنتدى تغير اسماً ومضموناً ارجو ان تحوز على رضاكم تحياتي |
09-09-2003, 16:06 | #2 | |
شــــاعـــر
|
إقتباس:
يازينك ويازين بهاراتك ياشيخ.. سالفه تفتح النفس والله <<< يبي يقلط على الغدا لاهنت يابو شايع.. 40 قراءه والموضوع ماكمل يوم؟؟ دليل نجاحنا <<< حشر روحه معه بس مايدبلون تسبدك هاللي يقرون ويولون بدون مايردون.. تقل شاحذينهم من حلالهم..رد |
|
09-09-2003, 23:38 | #3 |
شــاعــر
|
8 8 8 والله لو مارد الا انت يابو حمود كفاني وهالنقطه تسجل لصالحنا مهي علينا وستين قراءه بيوم واحد دليل على قدره هالقسم على جذب القراء ماحنا مشفوحين على الردود زي بعض الاقسام (مايقصد الديوانيه ابد) وهالقسم بالذات يتابعه الكثير من الزوار والذين نرجو ان يحوز مانطرحه على رضاهم وكل اللي نسويه عشانهم ولا تحرينا رد..!! صحيح اني اتمنى مداخلات لان التاريخ مثل ماتعرف يابو حمود فيه الكثير من المغالطات والاضافات اللي ماتدخل العقل ونحتاج اللي يصحح معلوماتنا عموما حنا نسوي اللي علينا والباقي على الله تحياتي لك |
07-04-2004, 23:00 | #4 |
عضو شعبيات
|
رد : شايع الامسح وربعه
شكرا على هذه القصه والقصيده التي اعجبت بالكرم المفرط لهذا الشجاع الكريم وليس بغريبه على شمر والرمال خاصة حيث ان شمر مدرسة للخصال الحميده فأرجو إتحافنا بالمزيد |
08-04-2004, 03:53 | #5 |
عضو شعبيات
|
رد : شايع الامسح وربعه
حي بهارات الشايع وحي ماجابت شكرا لك على القصه التراثيه و شايع الامسح معروف فعله وطيبه وسلمت وسلمت يمناك مليون وتقبل تحياتي الخويطري |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|