[عبدالعزيز الشهري]

بأسم كل من يستحق هذا الحق و تم إغتياله من قبل المسئولين بوضع عراقيل و حواجز و مستنقعات طينية لتعجيز من أمر لهم ملك الخير و الإنسانية بهذا الحق و فوق هذا كله يتوعدون من يرفض حضور دوراتهم التدريبية ليصبح او تصبح عامل او عاملة في مجالات لا يرضها هو لأحد أبنائة أو بناته بعقوبات لم يصرح عنها معاليه و لكن أملنا في مليكنا الغالي أن يصحح مسار هؤلاء المستعبطين ..

أنا مواطن و عندي رأي ما قلته =بقول رأيي و يدي صافقة يدي

يا شلة الأنس كلٍ هابشٍ حته =بقوا شويه لجل ما يحترق كبدي

كفيار تاكل و باقي الشعب عالفته =يا ويحكم بس حدي واصلٍ حدي

الجوع كافر و يا ما شاتني و شته =و من كثر شوته أحط إيدي على خدي

قالوا بنعطيك حافز قلت لو نلته =الفين بالدين يا حظي و من قدي

قالوا نبي عهد قلت اشلون لو خنته =و أخذت حافز و لا سددت وش حدي

اجلد و اسجن الين اسد قامته =و إن ما تسدد أجهز نعشي و لحدي

فن الّلكاعة قريته لين ختمته =يعني تعلمتها من منطلق جِدي

من أجل أعيش فـ .. زمان البق و العته =و اثنينهم يشربون الدم من زندي

صار المواطن يحزر شخته و بخته =يتسول الفرح يومه عنه متعدي

و أنا مواطن و ليه حق ما خذته =من حقي أعيش من جهدي من كدي

و فر لي الشغل و ارمي الباص فالسته =و تشوف إني مهدف ما حدٍ قدي

بس أعطني شغل لا تعجنه وتلته =أقل ما فيه يحفظ قيمتي عندي

ياخي الغلابا هموم الوقت خانقته =مو نا قصينك و يكفي الحظ متردي

و الله ملكنا له البيضا متوجته =بس البلا من علوجٍ بيحوا سدي

يا سيدي حن عيالك و الرضا حزته =بكفوفك الخير فوق الشعب تمتدي

ترى هدفهم خراب اللي أنت أنجزته =يا طيب القلب ياللي فايضٍ ودي

يا أول الطيب يا أوسطه و اخرته =بنفوس شعبك سكنت العين و الكبدي

يا صادق القول ياللي الشعب ما هنته =يا راعي الشعب وقت الجزر و المدي

إنتَ ملكنا و شرع الله حكمته =شيل العلوج بـ .. قرارٍ صيرم الحدي

شعر / عبدالعزيز بن عائض الشهري ( المرتجز )



11 / 12 / 2011

[غارم العمري]

صح لسانك يابن العم ..

وبيض الله وجهك يوم تبيض وجوه وتسود وجوه ..

.. سبحان مغير الاحوال ..
يااا الله كيف تغير علينا حافز !!
ما بين طرفة عين وانتباهتها ... يبدل الله من حال ٍ الى حال ِ
اللهم رد حافز الى طريق الصواب ..

عبد العزيز لك التحية والتقدير

[عبدالرحمن أبن عويض]

صح لسانك اخوي عبدالعزيز

موضوع حساس لامسته بكل شفافيه

طرح راقي

[محمد الدحيمي]

مع انها لاتنطبق عليك شروط حافز يابو عايض
لكن القصيدة مميزة ياعبدالعزيز
صح فكرك

[ماجد بن محمد]

صح لسانك واعتلى شانك

قصيده وافيه من وافي

ودي وتقديري

[عبدالعزيز الشهري]

الرسالة الأصلية كتبت بواسطة غارم العمري

صح لسانك يابن العم ..

وبيض الله وجهك يوم تبيض وجوه وتسود وجوه ..

.. سبحان مغير الاحوال ..
يااا الله كيف تغير علينا حافز !!
ما بين طرفة عين وانتباهتها ... يبدل الله من حال ٍ الى حال ِ
اللهم رد حافز الى طريق الصواب ..

عبد العزيز لك التحية والتقدير

شكرا لك هذا الحضور الذي ابهجني اخي غارم

[ناصر آل مداوي]

عبد العزيز الشهري

صح لسااااااااانك دائما

وحافز للاسف تحول من اعانة الى اهانة

تقديري لك