18-08-2002, 22:34
|
#1 |
|
عضو شعبيات
|
حنّا الطنايا ... للجميع وخاصه للأخ هبوب الشمال
حنّا الطنايا لا طنينا .. طنينا تشهد لنا حايل وأجا والرعيله وتشهد بعد كل القبايل علينا إنّ الطنايا اسم ذيك القبيله اسم الطنايا تاج فوق الجبينا تاج ينومس كل راس .. يشيله تاريخنا وافي لصرحه بنينـا بافعل ربعي كاسبين النفيله للشمس مرقاب الطنايا رقينا في قمته _ في قمته نرتقي له مثل النجوم الساطعات اعتلينا ومثل السحاب وكل عينٍ تخيله يابنت حنّا لازعلنا .. نوينا ماهي سوالف (ألف ليله وليله) (شمر) ليا عدو علومه تبينا أفعالنا بالطيب كلٍ دريلــه كبار الصحون ونفتخر لاحكينـا وساع الطعون وفعلنا مايبي له لاجا نهار؟! بالملاقى رسينا مثل الجبال الراسيات الثقيله يابنت حنّا لامشينا كفينـا والله وكيلك مامشينا بحيله نزوم لكن لانوينا قوينا للعز نجم يستخيل ونخيله عاداتنا_عاداتنا لارتكينا كل الحمول الكايده نرتكيله نشوش لامنّه تعزوى .. حدينـا لاثار عج الخيل كلٍ وخيــله حنّا مقابيس الوغى لاانتهينا نار تقابس عند قبس الفتيلة اليا ركبنا ظهورهن واعتلينا عيب على اللي مايناطح قبيلة مثل المزون الناشيات ان مشينا والاكما سيل تحدر مسيلة حنا الطنايا لازعلناوزمينا نزوم زومات البحور الطويلة واللة نقط اروحنا ماانثنينا يوم الشدايد والسيوف الصقيلة نشرب قراح صافي لاضمينا حتى يبل اكبودنا سلسبيلة نموت في عز وشرف ماشكينا لاماشكينا ولابتي ينشكي لة عاداتنا يابنت لامن غزينا بسيوفنا نشف القلوب الغليلة بالدم خضبنا السيوف وكسينا لجل العيون الناعسات الكحيلة كم فارس من فوق خيلة رمينا من هامنا تبكي علية الحليلة حريبنا يبلش ولا له معينا إليا وقع بين الصناديد ويله إليا رفع خشمه لخشمه وطينا ناطا على خشمه وراسه نزيله قاسين لاشان اللقا مانلينا والموت لا منّه دعانا نجيله بيض النوايا لابتي له وفينا حنّا الطنايا يالقلوب الهبيله وخوينا لاصار داله رضينا حنّا هل الخوه ويكفي دليله والجار كنّه من حدا والدينا لو كان يخطي نحتمل جور ميله ودخيلنا لامن زبنا حمينا وإليا عوى ذيب الفيافي نعويله والضيف نذبحله وتشهد يدينا يكفي كرم حاتم بذبح الأصيله ويشهد لنا ذيب تعشى السمينا عشوه ربعي بالسنين البخيله حنا هل الناموس رحنا وجينا وأهل الوفا والكيف دله وهيله وأهل الكرم حنا وياما عطينا ياماعطينا من العطايا الجزيله مثل الجبال بطيبنا شامخينا افعالنا .. يابنت ماينقويله يابنت حنا لا طنينا طنينا ماهي سوالف ألف ليله وليله تحياتي للجميع واعتذر للأخ هبوب الشمال على التأخير لظروف سفري المفاجاه تحياتي للجميع ،، الريــــــــــــــم  اخر تعديل كان بواسطة » الرّيـــــم في يوم » 18-08-2002 عند الساعة » 22:37. |
|
|
|
19-08-2002, 07:07
|
#2 |
|
عضو شعبيات
|
اختي الغالية // الريم بعد حيي الريم تسلمين وتسلم يمناك والله يجزاك خير على هاالهدية الغاليةعلى قلب الهبوب اطال الله في عمركِ .... وبلغكِ مناكي .... وحفظكِ من كل مكروه .... الغالية/ الريم اسئل الله ان يعيننا على رد جميلك هذا بمثله او بأجمل منه .... تقبلي خالص شكري وتحياتي اخوكم // هبوب الشمال |
|
|
|
|
19-08-2002, 07:49
|
#3 |
|
المشرف العام على شعبيات
|
ونعم والله صح لسان الي قالها وصح كيبوردك |
|
|
|
|
19-08-2002, 08:58
|
#4 |
|
عضو شعبيات
|
عزيزتي الريم : يقول العنقري : الطيب ماهو بس للضاعنينا ××× قسّــم على كل الوجيه المفاليح وشمر مثلها مثل غيرها لا فرق إلا ما تفرد به حاتم بن عبدالله الطائي واختصاص منطقةبحمل هذا الإسم الكريم0 وعليه فإنني بقدر إعتزازي بشمر وتاريخها وفرسانها واجوادها فإني لا أغمط حق الآخرين0 هذا وتقبلي تحياتي0  |
|
|
|
|
19-08-2002, 09:42
|
#5 |
|
عضو شعبيات
|
.
الريم سلمت يمينك |
|
|
|
|
19-08-2002, 21:40
|
#6 |
|
شـــاعــر
|
اختي الريم والنعم حتى قيام الساعة ... قصيدة جميلة ورائعة ولكن يبقى الكلام في هذه القبيلة لا تكفيه القصيدة ولا حتى القصائد .. فأفعالهم أكبر من أن تكتب في قصائد ... صح لسان شاعرها ... وصح اختيارك ... دمتي ودام الجميع ............ أخوكم / عبدالله مرّان |
|
|
|
|
22-08-2002, 02:57
|
#7 |
|
عضو شعبيات
|
هبوب الشمال ... الله يسلمك يارب ولوووووووو جاهزه للطيبين مافي جميل بين الاخوان وأنت انسان تستاهل كل خير شكرا لك ....... ضاري بالعطا  موتن وحده ماعليك زود يا الاجودي صح بدنك يا الغلا ويسلم كيبوردك  اللي عطاني شوي من وقته ربيع حايل ... يبدو أنك تطرقت للقصيده من باب آخر فلم اضعها للصيت وصيت شمر الكل يعرفه ولكن بناء على رغبه الاخ هبوب الشمال وان شاء الله انا ماسبيت احد بطرح هذه القصيده شكرا لك واحترم وجه نظرك تحياتي للجميع ،، الريـــــــــــــم |
|
|
|
|
22-08-2002, 03:01
|
#8 |
|
عضو شعبيات
|
طلال الشمري .. الله يسلمك يارب والف شكر على تواجدك هنا عبدالله بن مران ... يعطيك ألف عافيه وشكرا لكلماتك النقيه كنقاء قلبك صح بدنك وماتقصر تحياتي للجميع ،، الريـــــــــــــــم |
|
|
|
|
25-08-2002, 06:21
|
#9 |
|
عضو شعبيات
|
صحيتي
مرحبا للجميع صح لسانك وبدنك وراسك وكيبورك على هالابيات الرائعه ويستاهلون شمر بعد حيي . لكنهم لو يفتكون شوي من سعة الخاطر |
|
|
|
|
26-08-2002, 02:19
|
#10 |
|
عضو شعبيات
|
طرطشلي .. صحيت كلك اخوي وألف شكر على هذا الحضور والتواجد تستاهل العافيه وماتقصر طرطشلي ... وش أحسن من سعة الخاطر يطولي بعمرك صدر الشمالي مايضيق بساع تحياتي لك ،، الريـــــــم |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
