21-04-2008, 14:49 | #1 |
شـاعـر
|
مراجيح !
. كل ما هبّ الهوى بين المحاني ........... قلت يمكن صاحبي غيّر محلّه : في مكانه .. مير كنّه في مكاني ......... ينقض حبال الشوارد .. ويحبل له : ما سألته .. هو يبي يرجع عشاني ........... السؤال أحيان ما يسوى المذلّه! : بس تدري وش يخليني أعاني!؟ ...... يوم أحس إن الرياض أجناب .. كلّه!! . |
22-04-2008, 11:26 | #2 |
شـاعـر
|
رد : مراجيح !
. من حق الأيام .. تحسد ليلة الجمعة .......... ومن حق الأحلام .. تحسد عيد ميلادك : كل ما ضوت لك سنينك .. إنطفت شمعة ............ وكل ما كبرتي سنة .. يزيد حسّادك! . |
22-04-2008, 11:28 | #3 |
شـاعـر
|
رد : مراجيح !
. أخط قلبي بالثرى .. وأحط حرفين .. وسهم ............. وأقول يمكن لو يمرّ صويحبي .. يلقى السلام! : المترف.. الميّاس.. ميسور الطعون.. المحترم ........... اللي تحيّعله الضلوع .. ويفهق القلب .. وينام . |
22-04-2008, 11:29 | #4 |
شـاعـر
|
رد : مراجيح !
. ضمي مكاتيبي العذبات في عينك .............. واليا شغلك الزمان المرّ .. ناديني : يشهد علي الورق وخضاب كفّينك ............ إن كان ما لبّسك دبلتك بـ يميني!! . |
22-04-2008, 11:30 | #5 |
شـاعـر
|
رد : مراجيح !
. قسمت قلبي عشانه .. اثنين ........ أخذت نصفه .. ونصفٍ له : لكنـّه ما ارتاح ابو قلبين ........... إلا بعد ما خذه كلـّه! . |
22-04-2008, 11:32 | #6 |
شـاعـر
|
رد : مراجيح !
. لا تعـاتبني .. على قلّ العطا ........... ما بقى بالقلب من حبك .. جهد : ليت لي في محجر عيونك غطا .......... مثل مالك في جفن عيني .. سهد! . |
22-04-2008, 11:33 | #7 |
شـاعـر
|
رد : مراجيح !
. يا ميّت القلب .. لا تتعب علشاني ............. إرتاح .. ما همّني علم الردى .. كلّه! : أختار ربعي .. مثل ما اختار خلاّني ............ حتى عدوّي بعد .. ماهوب حي الله!! . |
28-04-2008, 00:59 | #8 |
pearl lover
|
رد : مراجيح !
تذكرت قول شاعر يسمعني حين يراقصني ........... كلماتٍ ليست كالكلماتِ و هنا أبياتٌ ليست كالأبياتِ هي .. مختلفةٌ جداً ,, سلامي لـ خالد |
28-04-2008, 19:23 | #9 | |
عضو فعّال
|
رد : مراجيح !
إقتباس:
أسترق السمع لقلبي وهويقول لعقلي ’’ غــــــــريب ’’ مذهـــل ’’ فتهتف لك كلماتي بأعجوبه .. ’’ تسرد قصة عشق مجنونه .. مع الكلمات .. مع الصرخات .. مع الآهات .. فأبتسم وأنا أراها تفعل ذلكـ ’’ لأن لها الحق في ذلك .. فاهتفي بأعلى صوتكـ وقولي ماللشعر إلا خالد ’’ . . |
|
05-05-2008, 15:11 | #10 |
شـاعـر
|
رد : مراجيح !
. طفلةٍ .. هدّت غلاها بالحنايا .. ثم نام! ............ كلما صحصح خيالي .. قمت أدور له .. عليها : يوم غنّت له فـ صدري .. (نام وأذبح لك حمام) ............. قلت يا بخت الحمام اللي يسابقني لـ يديها!! . |
05-05-2008, 15:13 | #11 |
شـاعـر
|
رد : مراجيح !
. تجوع وتظما لقاي .. وتشرب أشعاري ......... وتمـدّ نخب الهوى .. وتقول لي صحـّـه! : من كثر ما للشهد في ريقها .. طاري ....... هالحين لا سولفت في صوتها .. بـحـّـه!! . |
24-10-2008, 03:13 | #12 |
شـاعـر
|
رد : مراجيح !
. ما أقسى من العبرة اللي تنشب فـ حلقي ........... إلا إني آساحر عيوني .. ولا باحت : من مفرق رماح .. لين الداير الشرقي ............ وأنا آتصدد عن همومي ولا راحت! . |
24-10-2008, 03:19 | #13 |
شـاعـر
|
رد : مراجيح !
. أهديتك الحلم .. وأنت أهديت حرمانك ............... الى متى وأنت في حزني تسـاومني!؟ : لو كل ما أحترت فيك إخترت هجرانك ............. ما كان شفت القصيد العذب .. يزهمني : تبقى المواجع معاك .. ويبقى تحنانك ............ وتبقى أنت عندي أعز إنسان .. ظالمني! . |
11-02-2009, 13:11 | #14 |
شـاعـر
|
رد : مراجيح !
. سافرت يا ملح المخاليق .. وأسهرت ................... قلبٍ يعرّيه السفـر والتساهيد : ليتك على ذكر المواعيد .. بكّرت .......... وتشوف بـ عيونك سواة المواعيد! . |
11-02-2009, 13:12 | #15 |
شـاعـر
|
رد : مراجيح !
. خاوني فـ الحب .. يا العذب الفريد .......... لا يضيق الدرب .. وعيونك مدى : ما يغيب الشاعر .. ويشنا القصيد .............. إلا لا راحت مكاتيبه .. سدى! . |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|