[عثمان العبدالله]

[poet font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ازريت لا اسلى بالشعر والكتابه = كبدي من الحرّات تشعل لهايب
من واقـعٍ يفرض علينـا الكآبه = ولا ندري اللي مقبلٍ من هبايب
ومن القهر نشرب مرارة شرابه = وتقطّعت بالصبر كل الركايب
صاب العرب ذلٍّ رفض للطبابه= محدٍ نجى لو كان بالعقل غايب
صرنا جـدار قصيّرٍ في خرابه = يطمر عليه اللي تعوّد خرايب
الذيخ بوش اليـوم كشّر بنابه = ومعه الحصاني جاهزه للنهايب
جاروا علينـا بالظـلم والنهابه = ما يكتفوا ندفع رسوم وضرايب
حطّوا بقلب العرْب خنجر مذابه = تلعب بشريانه وتشرب نخايب
ولو هو نزف دم القهر والصبابه= قالوا توصخ خنجرٍ منك عايب
ثم الحقوه الراس ..ارض المهابه = ارض الحضاره حولوها زرايب
مايدروا إنّا كالجسد في الصلابه = تتحرك الأطراف عند النوايب
وما يدروا إن الصبر كمّل نصابه = لا من تناخينا وقود الحرايب
لا صـاح صيّاح القبـايل جوابه = بركان ثاير ما حسب للعطايب
في كل شبرٍ نـار مثـل السحابه = تمطر عليهم وابلٍ من لهايب
يكفى مهـانه يا رجـال الذرابه = الذيخ ناويكم بكثر المصايب
ولو هو خدعكم بالحكي .. في جرابه = حقده مبيّت من زمان النجايب
يبي يتفـرّد بالغنـم ..لايجـابه = بجموعها وقرونها والذوايب
القتـل فيكم جـايز ولا غرابه = ولو بالخطا يقتل حديهم مصايب
ولا من طلبتو حقكم بالخطابه = ردوا بنيران الحقد والهزايب
"أنتم هـل الأرهاب تعلوا قبابه = وحنّا دعاة السلم في قتل شايب"
وهم من يخطّط ما عليهم رقابه = وهم صانع الارهاب في كل نايب
من شان يلقون العـذر للنهابه = يستعمرون بلادنا بالغصايب
والبعض منّا عن جهل او حبابه = ما يدركوا ماللعدا من رغايب
فالغرب لو لفّ البعض في ثيابه = ياسرع ما يبني عليهم نصايب
كم واحدٍ قـالوا بنحمي جنابه = وهم من طعن ظهره من اقرب قرايب
اوراق تستخدم لمسح وكتابه = وترمى بعد هذا بوسط الخرايب
الشاه واللي قد مشى في ركابه = صدام والسادات واهل الكتايب
راحوا بنفس الدرب دامه تشابه = فاللي وثق بالغرب داس العطايب
من لا عطاه الله عز ومهابه = باسباب عدله مخطرٍ بالعقايب
ومن نام واثق في حماية كلابه = تنصاه إذا شبعت تدوّر كسايب
ومن غرته دنيـاه يفرس بنابه = لابد ما يدور الزمن بالنوايب
ما ينفعه من عيّشه في سرابه = ولا من ينافق لاجل عال الرتايب
والفقر من داسه لعب في صوابه = لا تحقره عن فعل كل الغرايب
والوضع مثل جـدار يظهرخرابه = لامن نخشه السيل وقت الهبايب
ان ما يصلّح قبـل يبـدا عيابه = لابـد ما ياقع على اتفـه سبايب
ومهما يطول الليـل تنشا سحابه = من برقها تطلع رجال الشكايب
واللي نشوفه من رجال العتابه = اهل الشجاعه غاسلين الشوايب
لابـد ما يثمر بعزم وصلابه = حرب ٍعلى لصوص السرق والنهايب
يحرق بها بوش المكر والخيابه = "فتنـــام" أخرى مقبره للزلايب
الله اكـبر كـيدهم في تبـابه = والله اكبر فوق طاغي وخايب
يالله عليك بمن طغى والعصابه = نفرح بنصر منك جزل الوهايب


[/poet]

[زهير]

الناس تشكي من قلوب مذابه = بين الفقر والجوع و(الواو)سايب




الأخ عثمان الله درك على هذه الحكم الرائعه لقد لامست مواجع

هذه الأمه المغلوبه على امرها والتي نتمنى ان تستيقض من سباتها

العميق وممايدل على غيرتك على امتك ودينك ووطنك وتفائلك مع

الأحداث والمد الظالم الذي اكتسح الأمه الأسلا ميه والعربيه في

عقردارها والتهاون والتخاذل الحاصل من اصحاب الحل والربط (والله

المستعان ) تقبل تحياتي

[الغريبه شوق]

عثمان العبدالله

رائع ومبدع كالعاده

صح قلبك


تحياتي

[مانع المتعب]

الغالى ...



عثمان العبدالله..



كم انت رايع.....


سعدت بمرورى هنااا..



وفقت اين ما كنت يالغالى...



لك فائق الاحترام... وجل المتابعه..



اخوووووووك

[عثمان العبدالله]

كل الشكر والتقدير لأخي الكريم/ زهير
على كريم الحضور الرائع
والتفاعل الأكثر روعة
تسلم يالغالي
تقبل أطيب تحياتي