[بطي الاكلبي]

مساكم الله بالخير

اخواني مشرفين واعضاء وزوار منتدى شعبيات اعذروني على الغياب واضع بين انظاركم هذه المشاركه واتمنى ان تنال اعجابكم

الصبر ميزت كل شامخ وبتاع = يظهر زحازيح الرجال العنيده
اللي تعومس من زمنها وتلتاع = خطوا ابلجٍ كنز القناعه رصيده
لو ان حضه ماشرى له ولاباع = كسب الجمايل عند الابطال فيده
تلقاع سبعٍ عايش له مع سباع = ولا كل صيد يعترض له يصيده
وافي مع الوافين ماينقص الصاع = ورزقه على محيي العظام الهميده
هذا كلام اللي من التجربه ذاع = ذاع البيوت النادرات الفريده
اللي لها عندي مناهيج واسناع = ماهوب حكي مراسلين الجريده
ولااقول انا اللي عارفٍ كل الاوضاع = كم عارفٍ غيري كلامه يجيده
واهل المعرفه هرجهم طب الاوجاع = وغيري من الشعار ناسٍ عديده
وصلاة ربي عد ماهب ذعذاع = على نبي الله خيرة عبيده

[عنودالصيد]

ولااقول انا اللي عارفٍ كل الاوضاع =كم عارفٍ غيـري كلامـه يجيـده
واهل المعرفه هرجهم طب الاوجاع=وغيري من الشعار نـاسٍ عديـده
وصلاة ربي عـد ماهـب ذعـذاع=علـى نبـي الله خيـرة عبـيـده

بطي الاكلبي

صح لسانك

ولاهنت

وياهلا بك ملايين

[نمرالعتيبي]

بطي الاكلبي

حياك الله وهلا وغلا ولله درك على هالرااااااااايعه صح فكرك
والله يجعلك على القوه


اخوك نمر العتيبي

[الغريبه شوق]

فعلا بيوت فريده

صح قلبك

ولا هنت

[محمد الشمري]

بطي الاكلبي

صح السااانك

والاطراء لك يخجــل الصــراحه مع ماجميــل ماتسطره

وبصــراحه

انت من الاشخاص الي يعدون بالاصــابع تميــل للقديم

وهذي تعجبني فيك

لاخلا ولا عدم

[منصور العبدالله ( ودان نجد )]

الصبر ميزت كـل شامـخ وبتـاع
يظهر زحازيـح الرجـال العنيـده

اللي تعومس من زمنهـا وتلتـاع
خطوا ابلجٍ كنز القناعـه رصيـده

لو ان حضه ماشرى لـه ولابـاع
كسب الجمايل عند الابطـال فيـده


الشامخ بطى الاكلبى

لله درك

دمت ودامت دررك

وصح لسانك بليووون ولا يكفون

تحياتى

[سحايب دمع]

بطي الأكلبي



رائعة بروعة مبدعها



دمت بشموخك


سحايب

[صالح الحربي]

بطي الاكلبي



وغزارة في المعنى


ليس علي الا ان اقف احتراماً لما كتبته



الف صح لسانك



اعجابي وتقديري


صالح الحربي