22-07-2006, 21:23 | #1 |
شـــاعــر
|
معاناة.. فتاة !!!!!!!!!!!!!
هذه القصيدة قلتها على لسان فتاة عانت من تعسر والدها في عدم تزويجها.. فقد كنت استمع إلى المذياع.. وكانت قصة تحكي جشع وطمع ذلك الوالد ..حيث كان همه المال.. فتفاعلت معها وعشتها وتخيلت اني تلك الفتاة ..فلم انم تلك الليله من هم جاني صحيح انها قصه وهميه ولكنها تحكي واقع ..فحاولت ان ابين مشاعر الفتاة التي عانت من هذاالجور..آآآه لاتذكروني تراها تخنقني العبره
1 يابـوي ماترحـم قلـوب الحبايـب=حطيت دون العرس قفل(ن) وبيبـان 2 ورديت عني يوم جونـي القرايـب=ورديت عني عيال حـارة وجيـران 3 لاجا عريس(ن) قلت ويش انت جايب=نبي عريس البنـت تاجـر ومليـان 4 مدري تبي يابـوي رجـال شايـب=عود(ن) كبير السن والعظم هريـان 5 لاميت(ن) يقبـر ولاهـوب طايـب=وش ينفع الشيبان صبغ(ن) وريحان 6 واخاف انا من شي لاصـار غايـب=محدن يلوم النفس وابليس شيطـان 7 والاتبـي رجـال شغلـه نهـايـب=همه يجب القرش مـن ويـن ماكـان 8 ولامر عـام(ن) قـال والله غلايـب=هم(ن) وعلقم ذقته اشكـال والـوان 9 بيـن المحاكـم بهذلتنـا الطلايـب=يريد حقـه كامـل(ن) دون نقصـان 10 ولا تبـي يابـوي رجـال خـايـب=همه بلـوت وعقبهـا فـت كنكـان 11 رجل(ن) سفيه وكل ربعـه زلايـب=ماقد صحا دايم على طـول سكـران 12 يقظي حياته بيـن شرطـي ونايـب=وانا حياتي بيـن هـم(ن) وحقـران 13 يابوي انا جنيـت وانـت اسبايـب=ماكن لي قلـب(ن)ودم(ن) وشريـان 14 الياخطب بنتـك عطيـب الضرايـب=يابوي زوجنـي ولانتـاب خسـران 15 في ذا الزمن شفت العجب والعجايب=البنت عند البعض بيعـت بالاثمـان 16 ان مت حطوا فوق قبـري نصايـب=لعل قبـري صـار للنـاس برهـان 17 وابـي عبـارة تنكتـب بالكتـايـب=المهر حق البنـت حطـوه عنـوان 18 ومن قال مهر البنت فيـه الكسايـب=اقسم برب العـرش لاشـك غلطـان 19 وياعل مـن بـاع البنـي للذهايـب=ياعلهـم بالاخـره وسـط نـيـران 20 واللي سمع هرجي ولاهـوب تايـب=ابيـه يرجـع يـم سنـه وقــران 21 وطلبت رب العرش معطي الوهايـب=يهدي ويبصر قلب من كان عميـان 22 وصـلاة ربي عــد هــب الهبـايـب=على النبي المصطفى نسـل عدنان فلما أسمعتها الزملاء قالوا لي لابد ان تكملها وتتقمص شخصية الأب كما تقمصت شخصية التاة فترد عليها بلسان الأب فقلت هذه الأبيات على لسان الأب ردا على البنت
1سمعت انا قولك ونا اليـوم تايـب=اي والله اني يا وفا اليـوم ندمـان 2 هذي مصيبه من كبـار المصايـب=واقع بها يابنت حضر(ن) وبـدوان 3 المجتمع يابنـت ماهـوب طايـب=الا ان يثـور بالبلـد كـم بركـان 4 اقولهـا والقلـب يابنـت ذايــب=واطلب من الرحمن يابنت غفـران 5 رايك ترى يابنـت لاشـك صايـب=اللي يبيع البنـت يبشـر بحقـران 6 لاتحسبينـي يـوم الـرد القرايـب=او غيرهم يا بنت طامـع بالاثمـان 7 ماريد سلتـوح(ن) ولاريـد عايـب=ماريد زوج(ن) فيه يابنت نقصـان 8 اخاف انا من شخص للناس هايـب=وعندك تطول اليد وينبت له اللسان 9 ابـي مصلـي مايعـرف السبايـب=حنون في بيته وفي السوق ذيبـان 10 اقولهـا واجـروح قلبـي عطايـب=من شن اشوفه ياعرب بعض الحيان |
23-07-2006, 00:49 | #2 |
عضو شعبيات
|
رد : معاناة.. فتاة !!!!!!!!!!!!!
صح لســانك أشهــد إنك كفيت ووفيت سلمت يمناك |
23-07-2006, 01:27 | #3 |
المشرف العام
|
رد : معاناة.. فتاة !!!!!!!!!!!!!
ابو وفا راجع لك |
23-07-2006, 01:49 | #4 |
موقوف
|
رد : معاناة.. فتاة !!!!!!!!!!!!!
ابو وفا احس ان ماكتبته هناا اتى ببساطه متناهيه حول التعبير عن الامور صح السانك وجمل الله كلامك الرائع والمثمن والموزون كفيت ووفيت اخوي ابو الوفا تحياتي لك محمد الشمري |
23-07-2006, 08:27 | #5 |
|
رد : معاناة.. فتاة !!!!!!!!!!!!!
النقي ../ ابوفا .. لي عودة قريبه بإذن الله .. |
23-07-2006, 09:26 | #6 |
النجدية
|
رد : معاناة.. فتاة !!!!!!!!!!!!!
لي عودة .. |
23-07-2006, 18:41 | #7 |
شـــاعرة
|
رد : معاناة.. فتاة !!!!!!!!!!!!!
رد للسلام على ابو الوفا اسم على مسمى فعلاً وسأعود لأبداعك |
23-07-2006, 19:27 | #8 |
موقوف
|
رد : معاناة.. فتاة !!!!!!!!!!!!!
/ \
وياعل من بـاع البنـي للذهايـب "=" ياعلهـم بالاخـره وســط نـيـران واللي سمع هرجي ولاهوب تايـب "=" ابيـه يرجـع يـم سـنـه وقــران ابو وفــا شعلة من من وفـاء أنت .. يكون الشعر بأبهى حالاته عندما يصبح لسان العاجزين عن الكلام .. عندما يبحث ويعـري عيوب المجتمع ويعالج قضاياه .. جميل جداً أن يتحدث الشعر عن همومنا وآلامنا .. وجميل جداً ما جادت به قريحتك وما أتحفتنا بـه .. بحـق أبو وفــا .. لك جـل إحترامي ومتابعتي .. دمت بأجمل الـود ..
اخاف انا من شخص للناس هايب "=" وعندك تطول اليد وينبت له اللسان ابي مصلي مايعـرف السبايـب "=" حنون في بيته وفي السوق ذيبـان |
25-07-2006, 13:06 | #9 | |
شـــاعــر
|
رد : معاناة.. فتاة !!!!!!!!!!!!!
إقتباس:
وشكرا جزيلا على هذه الشهادة التي اعنز بها دمعة الفرقا |
|
25-07-2006, 13:12 | #10 | |
شـــاعــر
|
رد : معاناة.. فتاة !!!!!!!!!!!!!
إقتباس:
وانا انتظرك وعجل لا تأخر 000 ترى من بعدكم ماطاب نومي :d |
|
25-07-2006, 13:13 | #11 | |
شـــاعــر
|
رد : معاناة.. فتاة !!!!!!!!!!!!!
إقتباس:
على هذا التعليق وصح بدنك يا الغالي ويعطيك الف عافيه على مرورك وتعليقك |
|
25-07-2006, 13:16 | #12 | |
شـــاعــر
|
رد : معاناة.. فتاة !!!!!!!!!!!!!
إقتباس:
يظن الناس بي خيرا واني 000لشر الناس ان لم تعفو عني شكرا اختي الجازي على مرورتس الغالي وانا انتظرك وعجل لاتأخر 000 ولا بلاش اكمل علشان اطلع تقي |
|
25-07-2006, 13:20 | #13 | |
شـــاعــر
|
رد : معاناة.. فتاة !!!!!!!!!!!!!
إقتباس:
|
|
25-07-2006, 13:21 | #14 | |
شـــاعــر
|
رد : معاناة.. فتاة !!!!!!!!!!!!!
إقتباس:
وانتظر تعليقك |
|
25-07-2006, 13:42 | #15 | |
شـــاعــر
|
رد : معاناة.. فتاة !!!!!!!!!!!!!
إقتباس:
فعز الله اللي منيب جايبن ولا ربعه اتمنى اني اعرف ارد بمثل ردك ولكن العين بصيره واليد قصيره ومثل ما قالوا الجود من الماجود |
|
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
أدوات الموضوع | |
|
|
|