24-02-2007, 13:52 | #1 |
شـاعر
|
يا طويل العمر. " سالفه من التراث الاشهب "
السلام عليكم كلكم و صباح الخير . و مسا الخير احب اوضح في البدايه ان الموضوع هذا سواليف يعني اللي وقته ثمين يا ليت يروح قوافي البوح حيث الوقت من ذهب انا في الحقيقه ثقافتي التاريخيه مش ولا بد . يعني اللي اعرفه من تاريخنا كم شغله بس منها دخول الملك عبدالعزيز للرياض و انتقالنا للسكن في شمال الرياض و يوم سكود يدحدر على مبنى الاحوال . و احداث قليله متفرقه ,, لازم اكتب عن بديوي الوقداني و الا راكان ابن حثلين و الا حسن بن غشيان <<< هذي الدعايه والا بلاش عاد متعب قال لا عادي انت فاهم غلط . تعال بس و اكتب اللي تبي << هنا حسيت بالفعل بحاجته لنا كزملاء و من هذا المنطلق . اسمعوا السالفه هذي اللي اعتبرها موروث ثمين و كل فتره اسمّعها على نفسي عشان ما انساها هذا الله يسلمكم . واحد ٍ كان مع الملك عبدالعزيز يقال له ابن حلوان من اهل الرياض , الرجال هذا كان كبير سن وعيّار و راعي سواليف و الملك يحبه و ما يسمع به , الحاصل انهم في احدى طلعاتهم الشتويه كانوا كاشتين في شعيب يبعد عن الرياض ممشى يوم , الشعيب كان مكانه فيما يسمى اليوم " العليّا " و لا يخفى انها الان اغلى مناطق الرياض تجاريا المهم مدري وش قال ابن حلوان بعد الغدا من حدا سواليفه الفله . و لعل الملك عبدالعزيز انبسط منه ف قال له : " قم يابن حلوان و امش من محلنا هذا الين تاقف بك قدمك ( من التعب يعني ) و هو لك ( باكتبه باسمك ) " قام ابن حلوان و استشاط غضبا " موب مره عاد بس اثاره شوي " و قال : " يا طويل العمر يومك بتعطيني و بتحسبها علي عطني في المربع والا الشميسي موب تعطيني عند السلق هنيا " عاد عيّا عنها ما اخذها من هنا عاد اختلفت الروايات بقوه في ماهية العطيه البديله , طبعا الفرق واضح بين شخص كهذا و شخص يقول يا طويل العمر ما هم الا هم العرس خخخ رحمهم الله رحمة ٍ واسعه . جيل نقي ذو سريره صافيه يندر ان تنجب المقابيل مثله شكرا لحسن استماعكم . و ارجو ان الموضوع هذا ما يؤخذ بالاعتبار في مسيرتي العطره في شعبيات سلام عليكم اخر تعديل كان بواسطة » يزيد بن غشيّان في يوم » 24-02-2007 عند الساعة » 13:57. |
24-02-2007, 17:20 | #2 | |
|
رد : يا طويل العمر. " سالفه من التراث الاشهب "
إقتباس:
يزيد .. طيب ليه التمنن ؟ كان كملّت جميلك وحطيت السالفة ولا ذليت متعب <- تحرّش متعب عليه الحقيقة سالفه جميله وصح لسانك بس لا عاد تعودها <= تمزح لا تصدّق تسلم يمينك .. أضعف الإيمان انها ماهي منقوله وهذا بحد ذاته انجاز <= لازم تخربّها أطيب تحية لك .. |
|
24-02-2007, 17:37 | #3 |
الطــربة
|
يا طويل العمر. " سالفه من التراث الاشهب "
8 [ جوجو الله يرجك ..ههههههههههههههههه] عذراً يزيد .. لهذه الكركره الاضطراريه بهذا المتصفح .. تتصدر زاويه مهمه في تراثنا السعودي وبالتاكيد لاتكفي قراءة واحده لذي السالفه .. بس بتترتب عليها تبعيات أرجو ان تستمر بطرح سوالف تراثنا ..[= تجوز لها موت سوالف الشيبان ] |
25-02-2007, 16:00 | #4 |
رجّال أجودي / شــاعر
|
رد : يا طويل العمر. " سالفه من التراث الاشهب "
كم انت رائع يايزيد سواليفك ماهيب صاحيه وصدقني انها من اروع القصص التي قراتها يزيد لاتبخل علينا بمثل هذه السواليف ومضه.. ماهو احساسك وانت تقول القصة |
26-02-2007, 17:11 | #5 | |||||||
شــاعــر
|
رد : يا طويل العمر. " سالفه من التراث الاشهب "
منور يايزيد تواجد جميل في قليله الكثير إقتباس:
مقدمه جميلة تتحدث عن دخلو الملك عبدالعزيز رحمه الله للرياض وانتقالكم للشمال وحصولك على بطاقة احوال ممغنطه إقتباس:
الله يوفقك اخوي وحنا الله يوفقنا إقتباس:
إقتباس:
إقتباس:
دائماً سوالف الأولين له طعم مميز زي طعم اللبن بعد الأكل الله يحييك يا يزيد ومنورالقسم والموضوع أن شاء الله بثبته مع الميزانية الجديدة لا تقاطعنا ولاتحرمنا من مثل هذي المواضيع إقتباس:
إقتباس:
|
|||||||
28-02-2007, 13:34 | #6 | ||
شـاعر
|
رد : يا طويل العمر. " سالفه من التراث الاشهب "
الحين ما تلاحظون ان ردودكم كلها تريقه ؟ ياخي كرموا ارواح الاموات اللي في موضوعي ! يا شين اللي يستهبلون في مواضيع جديه <<<<<<<<<<<< تو مديره البريطاني الكافر معطيه انذار و قافله الاخلاق _____________________________ الجازي إقتباس:
إقتباس:
و من ناحية لا تعودها موب ازين لك لاني الوحيد اللي اوسع الصدر في منتداكم النايم الجازي شكرا يا خيّه |
||
28-02-2007, 13:45 | #7 | ||
شـاعر
|
رد : يا طويل العمر. " سالفه من التراث الاشهب "
الطربه إقتباس:
إقتباس:
حياك الله يا نجود ابرك الساعات و تحياتي |
||
28-02-2007, 13:57 | #8 | ||
شـاعر
|
رد : يا طويل العمر. " سالفه من التراث الاشهب "
الاجودي إقتباس:
و بالنسبه للقصه خذ و خل هي عباره عن سالفه تحولت لقصه و الحمدلله انها جازت لك و ابشر بسعدك بس خلك قريب إقتباس:
|
||
14-03-2007, 04:00 | #9 |
عضو فـعّال
|
رد : يا طويل العمر. " سالفه من التراث الاشهب "
الله لايهينك على السالفه ذكرتني سالفتك بشوقي ضيف وكان شوقي مثل هذا اللي تقول سالفته عيار وراعي سوالف واقرع تحياتي لك موضوع شيق . |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
أدوات الموضوع | |
|
|
|