10-01-2009, 01:49 | #1 |
شــاعر
|
امة محمد تشوف الموت في غزّه @ ومحمد امه على الشاشات سهرانه
الادمي كان رب الكون ما عزّه=يشوف بعيون كل الناس حقرانه ياوجد حالي عليك اليوم ياغزّه=وجود شيخٍ توفّوا كل ورعانه حطّوهم قبالته كلٍ على بَزّه=واصغرهم اللي يشلّه بين ذرعانه جثا على ركبته والكبد منجزّه=يحبْ راس الصغير ويظفي اكفانه يقول للناس وشنا فيه من حَزّه=عمْيَت عيونه وقام ينادي اخوانه وصَلْهم العِلمْ قالوا عندنا وزّه=تطْبخ على النار واهل الدار جوعانه عقْب الغدا والحلا والشُرب والمَزّه=ابنجتمع لجتماع اللي على شانه وتلفتوا في طويل العمر ابو رَزّه=اللي لجل مجتمعهم فك ديوانه قال اسمحوا لي بروح الصُبح متنزّه=العايلة من ثلاث ايام طفشانه خذوا له الشيك منّي خلّه يغزّه=في البنك لعلّه ينسيه فقدانه قالوا يا رجّال رح معنا له وعزّه=لاشافنا كانفينه خفّت احزانه جوّد على الشيك في يمناه ويهزّه=يقول لاشاف هذا طاب وجدانه قولوا لخوكم وش اللي محْرقٍ رُزّه=هو ما درى عن حياة فلان وفلانه كم واحدٍ قد فقد له غالي يعزّه=ولا له الا الصبر قولوا له امانه الشعب يغتاله الصهيون ويكزّه= والصمت خيّم على العالم ولا دانه ياجعل سيف الله المسلول يجْتزّه=راس على حربهم مايسْرج حصانه امة محمد تشوف الموت في غزّه=ومحمد امه على الشاشات سهرانه |
10-01-2009, 10:05 | #2 |
شــاعر
|
رد : امة محمد تشوف الموت في غزّه @ ومحمد امه على الشاشات سهرانه
ارحب ارحب ارحب يا سعيد شاعر مبدع دائماً كلما حللت وكيفما حللت ... تكتب بنفس مختلف واسلوب مختلف تجيد الوصول لقلب المتلقي من أقصر الطرق وهنا نص رغم سخريته في منحى التوجد .. الا عمق الطرح يشابه عمق .. الجرح .. بغزه لك مني يا سعيد كل الود والاعجاب اخيك سالم |
10-01-2009, 15:16 | #3 |
شــاعر
|
رد : امة محمد تشوف الموت في غزّه @ ومحمد امه على الشاشات سهرانه
حطّوهم قبالتـه كـلٍ علـى بَـزّه واصغرهم اللي يشلّه بين ذرعانـه جثا على ركبتـه والكبـد منجـزّه يحبْ راس الصغير ويظفي اكفانـه اوجعت كثير يا سعيد صح لسانك وعلا شانك الله يجزاك الف خير هزيت المشاعر بين دمعه وسخريه لا فض فوك والله يفرج هم اخواننا وينصرهم تقبل ود واحترام اخوك نوفل |
11-01-2009, 07:29 | #4 |
شـــاعــر
|
وتلفتوا في طويل العمـر ابـو رَزّه اللي لجل مجتمعهـم فـك ديوانـه قال اسمحوا لي بروح الصُبح متنزّه العايلة من ثـلاث ايـام طفشانـه هذا الواقع يا اخي سعيد .. !! الشعب يغتالـه الصهيـون ويكـزّه والصمت خيّم على العالم ولا دانـه الله واكبر عليك يا سعيد .. شاعر مبدع من اكلب .. ليس بالغريب والله عليكم صح لسانك مدرار .. والله يكون في عون هالشعب .. حتى كتابتي لهذا الردّ 830 قتيل .. !!!! قلبت مواجعنا يا سعيد .. حتّى بتهكّمك الساخر قليلاً .. لكنه الحال .. تحياتي الحارة لك ولامثالك من الغيورين على دينهم واوطانهم .. |
11-01-2009, 10:22 | #5 |
شاعر
|
رد : امة محمد تشوف الموت في غزّه @ ومحمد امه على الشاشات سهرانه
الاخ سعيد الاكلبي انظر لك بكثير من الاعجاب و انت تطرق اهم اغراض الشعر في قصائدك ندعو الله و نسأله ان يرفع عن اخواننا في غزه اما ادبيا فانا احكم على القصيده غالبا من خلال البيت الاول والبيت الاول فيه شعر يروي كل متذوق بيض الله وجهك يا سعيد |
11-01-2009, 11:36 | #6 |
عضو شعبيات
|
رد : امة محمد تشوف الموت في غزّه @ ومحمد امه على الشاشات سهرانه
ياجعل سيف الله المسلول يجْتـزّه راس على حربهم مايسْرج حصانه امة محمد تشوف الموت في غـزّه ومحمد امه على الشاشات سهرانه يا سلام عز الله قصيده تبرد الكبد وتشفي الغل اخوي سعد لا هنت وصح لسانك مدد بلا عدد وربي ينصر اهل فلسطين ويخذل من خذلهم تحياتي 00 |
11-01-2009, 11:49 | #7 |
شـــاعرة
|
رد : امة محمد تشوف الموت في غزّه @ ومحمد امه على الشاشات سهرانه
ياجعل سيف الله المسلـول يجْتـزّه راس على حربهم مايسْرج حصانه امة محمد تشوف الموت في غـزّه ومحمد امه على الشاشات سهرانه أعانهم الله وسدد رميهم .. سعيد الأكلبي .. أجدت صياغة الموضوع بطابع شعري جميل احترامي .. |
12-01-2009, 20:18 | #8 | |
شــاعر
|
رد : امة محمد تشوف الموت في غزّه @ ومحمد امه على الشاشات سهرانه
إقتباس:
وسلمت ياكحيلان على مرورك الكريم وهذا التعليق المميز والشرح الوافي لاعدمتك |
|
13-01-2009, 08:14 | #9 |
متنبي الشعر الشعبي
|
رد : امة محمد تشوف الموت في غزّه @ ومحمد امه على الشاشات سهرانه
الله الله يابو مقبل اهنيك على هالدرّه وهالشاعريه شاعر استثنائي بكل ماتعنيه الكلمه كبير كبير ياسعيد صح لسااانك مليون مره وأكيد المفضله محل هالباذخه |
14-01-2009, 15:41 | #10 |
شـاعر
|
رد : امة محمد تشوف الموت في غزّه @ ومحمد امه على الشاشات سهرانه
امه محمد تشوف الموت في غزّه ومحمد امه على الشاشات سهرانه الله عليك وعلى جزالة وصفك واختصارك للكلام الكثير بأقل القليل البيت هذا انا اعتبره جا في الثمنياات صح لسانك إلين ترضى |
16-01-2009, 01:07 | #11 | |
شــاعر
|
رد : امة محمد تشوف الموت في غزّه @ ومحمد امه على الشاشات سهرانه
إقتباس:
والله يجمل حالك على هذا المرور الغير عادي سلمت ياطويل العمر |
|
17-01-2009, 00:44 | #12 |
شـــاعرة
|
رد : امة محمد تشوف الموت في غزّه @ ومحمد امه على الشاشات سهرانه
امة محمد تشوف الموت في غـزّه ومحمد امه على الشاشات سهرانه صح لسانك وقلبك كعادتك مبدع في التعبير عن هموم الناس والمجتمع والوطن والهم القومي لا عدمناك اخوي سعيد |
17-01-2009, 00:46 | #13 |
شــاعر
|
رد : امة محمد تشوف الموت في غزّه @ ومحمد امه على الشاشات سهرانه
سعيد صح لسانك جزل ومبدع تقبل مروري طال عمرك |
17-01-2009, 23:22 | #14 | |
شــاعر
|
رد : امة محمد تشوف الموت في غزّه @ ومحمد امه على الشاشات سهرانه
إقتباس:
والله يحييك يالكفو هذا الكلام ان دل فانما يدل على طيب سريرتك واشادتك بالقصيدة واسلوبها لهو دليل على حُسن تمعنك لاعدمتك ياكحيلان |
|
20-01-2009, 07:45 | #15 |
عضو شعبيات
|
رد : امة محمد تشوف الموت في غزّه @ ومحمد امه على الشاشات سهرانه
امة محمد تشوف الموت في غـزّه أين هي امة محمد من هذا الذل والهوان ؟ مكتوب علينا نتابع بقهر وذل ليس بعده ذل صح لسانك ياسعيد ولاهنت على الابيات اخوك محمد |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
أدوات الموضوع | |
|
|
|